ရှမ်းပြည်တောင်ပိုင်းသို့ရွှေ့ပြောင်းခြင်း

            သထုံကိုအနော်ရထာ တိုက်ခိုက်အောင်မြင်၍ မနုဟာမင်းကိုဖမ်းဆီးခေါ်ဆောင်သွားပြီးသည့်နောက်တွင် သထုံတွင်အုပ်ချုပ်သူ ကင်းမဲ့လျက်ရှိ၏။ သထုံပြည်ကြီးမှာလည်းဝါးအစည်းပြေသကဲ့သို့ရှိနေ၏။ သထုံပြည်တွင်နေထိုင်လျက်ရှိသော ပအိုဝ်းတိုင်းရင်းသားတို့က လည်း မိမိတို့အနှစ်နှစ်အလလနေထိုင်ခဲ့သော ထီးနန်းလည်းကျဆုံးပြီ၊ သာသနာလည်းကွယ်ပပြီ၊ အားကိုးရာမဲ့ပြီဟုဆိုလျက် သထုံပြည်မှ အုပ်စုကိုးစု ခွဲ၍ စွန့်ခွာထွက်လာကြသည်။

            အုပ်စုတစ်စုမှာ“မော်ထောဖော ” ခေါ် စာဟောဆရာကြီးကဦးဆောင်၍ ပခုက္ကူအနောက်ဘက်တွင် နေရာသစ်အဖြစ် ပြောင်းရွှေ့နေ ထိုင်သည်ဟုဆိုလေသည်။ ယင်းတို့မှာ“ တောင်သား ”လူမျိုးများအဖြစ် ယနေ့တိုင်ထင်ရှားနေပေသည်။ ပအိုဝ်းတို့က တောင်သားလူမျိုးများ သည် မိမိတို့နှင့်တစ်နွယ်တည်းဟုယူဆနေကြသည်။ ကျန်အုပ်စုရှစ်စုအနက် စစ်တောင်မြစ်ဝှမ်းအထက်ပိုင်းနှင့် ရှမ်းကုန်ပြင်မြင့်သို့ရောက်ရှိ လာသောအုပ်စုမှာ သုံးစုထက်မနည်းဟုယူဆရလေသည်။ ရှမ်းပြည်တောင်ပိုင်းတွင် ယနေ့တိုင် ပျံ့နှံ့နေထိုင်လျက်ရှိကြသည်။ စာဟောဆရာ “ မော်တောဖာ ” က ညွှန်ပြသဖြင့် ရှမ်းပြည်နယ်စပ်တွင်လည်းကောင်း၊ ထိုင်းနယ်စပ်တွင်လည်းကောင်းနေထိုင်ခဲ့ကြသည်ဟုဆိုသည်။

            ညောင်ရွှေမြို့၊ ဘဏ္ဍာငွေတိုက် အမတ်ထောက် ဦးငြိမ်းရေးသားသော ညောင်ရွှေနယ်သမိုင်းနှင့် စော်ဘွားကြီးဆာစောမောင်၏ အတ္ထုပ္ပတ္တိတွင် -

            “ တောင်သူလူမျိုးတို့သည် ညောင်ရွှေမြို့နယ်အတွင်းသို့ရောက်ရှိနေသည်မှာ သထုံမနူဟာမင်းကိုအနော်ရထာမင်းစောတိုက်ခိုက် ဖျက် ဆီး စဉ်ကာလက နယ်ပယ်နီးစပ်ဖြစ်၍ လာရောက်နေထိုင်ကြသည်အစဖြစ်ကြောင်း ” ဟုရေးသားဖော်ပြထားသည်ကိုတွေ့ရ၏။ ထို့ပြင် အင်းလေးဟဲယာရွာမ ကျောင်းနီကျောင်းတိုက်ဂိုဏ်းအုပ်ဆရာတော်ကြီးဦးသောဘိတ၏ “ အင်းလေးဖောင်တော်ဦးဘုရားသမိုင်းနှင့် ရှမ်းပြည် ရာဇ၀င်အကျဉ်းချုပ် (စာမျက်နှာ ၉၅) တွင်တောင်သူလူမျိုးတို့သည် ညောင်ရွှေမြို့နယ် အတွင်းသို့လာရောက်နေထိုင်ကြသည်မှာ သုဝဏ္ဏဘု မ္မိသထုံ မနူဟာမင်းမြတ်ကို ပုဂံအနော်ရထား မင်းစောက တိုက်ခိုက်၍ မနူဟာဘုရင်မင်းမြတ်စစ်ရှုံးသောအခါ (တောင်သူ) တောခလာသော ကြောင့် တောင်သူလူမျိုးတို့ အနွဲ့အပြားပြန့်ပွား၍ကမ္ဗောဇတွင်နေထိုင်ကြကုန်၏။ ” ဟုဖော်ပြထားသည်ကိုတွေ့ရသေး၏။ ထို့ကြောင့် တောင်သူခေါ် ပအိုဝ်းတိုင်းရင်းသားတို့သည် သထုံပြည်မှထွက်ခွာလာရာတွင် ရှမ်းပြည်တောင်ပိုင်းတွင်ပြောင်းရွှေ့နေထိုင်ခဲ့ကြကြောင်းသိနိုင် ပေသည်။

            သထုံပြည်မှ မြန်မာပြည်အထက်ပိုင်းသို့ သာသနာသက္ကရာဇ် ၁၆၀၆ ခု၊ ကောဇာသက္ကရာဇ် ၄၂၄ ခုတွင်ပြောင်းရွှေ့လာခဲ့ကြသည်။ ရှမ်းကုန်ပြင်မြင့်သို့ရောက်လာသူများအနက် မင်းမျိုးမင်းနွယ်ဆွေတော်မျိုးတော်တို့သည် “ လွယ်စန်းရွာ ” သို့ရောက်ရှိသွားကြ၏။ အချို့ သည် ပလောင်နယ်သို့လည်းကောင်း၊ ရသေ့မျိုးတို့သည်ဟိုပုန်းမြို့နယ် “ စောင်းအွန်ရွာ ” သို့လည်းကောင်းရောက်ရှိသွားကြ၏။ စောင်းအွန် ရွာတွင် ရသေ့တို့နေထိုင်ခဲ့သောဂူများယနေ့တိုင်ရှိနေသေး၏။

            သထုံပြည်မှအတူတူထွက်ခွာလာကြသော်လည်း ရှမ်းကုန်ပြင်မြင့်သို့ရောက်သောအခါ တစ်အုပ်စုစီနေထိုင်ခဲ့ကြသည်။ “ လွယ်စန်း” ရွာသို့ရောက်သောအခါ မင်းမျိုးမင်းနွယ်တို့သည် လွယ်စန်း၌မြေသြဇာမကောင်းမွန်သဖြင့် ရေကြည်ရာမြက်နုရာဒေသကို ရွှေ့ပြောင်းရှာဖွေ ကြပြန်ရာဆီဆိုင်မြို့သို့ရောက်ရှိလာကြ၏။ ဆီဆိုင်မြို့၌မြေသြဇာကောင်းမွန်သဖြင့် မင်းမျိုးမင်းနွယ်တို့အနက် ခွန်မောင်သာနှင့် ခွန်မောင်နိုင် ဦးစီးပြီး ၎င်းဒေသတွင်အတည်တကျနေထိုင်ခဲ့ကြသည်။ သထုံပြည်ကိုသတိရစေခြင်းငှာ သထုံမြို့ ရွှေစာရံဘုရားအနီးမှယူဆောင်ခဲ့သော မြေကိုးထမ်းနှင့် ရေကိုးထမ်းသယ်ယူလောင်းချ၍ “ သထုံလေး ” ခေါ် ဆီဆိုင်မြို့ကိုတည်ထောင်ခဲ့ကြလေသည်။

            (Shan  State  and  Karenni  List  of  Chiefs  and  Leading  Families) စာအုပ်တွင် -

            “ သထုံ ” သည် အောက်မြန်မာပြည်တွင်နေထိုင်ကြသော တောင်သူလူမျိုးများက ၁၇၈၁ ခုနှစ်တွင် လာရောက်နေထိုင်ခဲ့ကြသည်။ ပြည်နယ်များမပေါ်ခင်ကပင် နေထိုင်ခဲ့ကြသည်။ သို့သော်ယခုအခါတွင်တောင်သူလူမျိုးတို့သည် လူဦးရေအားဖြင့် အတော်များနေလေပြီ။ ယခုအခါ ရှမ်းပြည်နယ်တွင် သထုံ(ဆီဆိုင်) သည် တောင်သူလူမျိုးများ၏ အခြေစိုက်နေထိုင်ရာ ဒေသဖြစ်နေလေပြီ။

            သထုံကို ပထမဦးဆုံးအုပ်ချုပ်သည့် အကြီးအကဲမှာ ခွန်စမူဖြစ်သည်။ ခွန်စမူသည် အောက်မြန်မာပြည် သထုံဇာတိဖြစ်၏။ ခွန်စမူသည် အမြော်အမြင်ရှိသူဖြစ်ပြီး တောင်သူလူမျိုးများကို ဦးဆောင်ပြောင်းရွှေ့လာခဲ့သည်။ ၁၇၈၁ ခုနှစ်တွင်သထုံဒေသ၌ ရွာတစ်ရွာ တည်ထောင်၍ အခြေစိုက်နေထိုင်ခဲ့ကြသည်။ ခွန်စမူလက်ထက်တွင် သထုံဒေသကို သူကိုယ်တိုင်အုပ်ချုပ်ခဲ့ပြီး သထုံအမည် (ရှမ်းသထုံ) ကို ဘိုးတော်ဘုရား၏ အမိန့်ဖြင့်ပေးခဲ့သည်။ ခွန်စမူမျိုးဆက်သည် သထုံနယ်ကို ၁၈၃၉ ခုနှစ်အထိ အုပ်ချုပ်ခဲ့သည်။ ထို့နောက်ခွန်ကျော်လေးက ဆက်လက်အုပ်ချုပ်ခဲ့သည်။ ၁၉၀၅ ခုနှစ်တွင် ခွန်ကျော်လေး၏ မြေးဖြစ်သူ ခွန်လောလုပ်ကြံခံရသည်။ လူသတ်သမားကို သူ၏ဦးလေးဖြစ်သူ ခွန်မောင်ကလက်ရဖမ်းဆီးခဲ့သည် ဟုဖော်ပြထားလေသည်။

            ဆီဆိုင်မြို့ဟု ယနေ့တိုင်ခေါ်ဝေါ်နေခြင်းမှာ ထိုဒေသတွင် သစ်စေးပင်ရှိ၏။ သစ်စေးပင်ကို ပအိုဝ်းတိုင်းရင်းသားတို့က “ သီးပင် ” ဟုခေါ်သည်။ ထိုသစ်စေးပင်တွင် အပေါက်ရှိ၏။ ထိုသစ်စေးပင်၏ အပေါက်တွင် ကျောက်မျက်ရတနာတစ်လုံးကိုတွေ့၏။ ကျောက်မျက်ရတ နာကို ပအိုဝ်းတိုင်းရင်းသားတို့က “ သိင် ” ဟုခေါ်သည်။ ထို့ကြောင့် ထိုဒေသကို “ သိသိင် ” (သစ်စေးပင်ထဲတွင်ကျောက်မျက်ရတနာကို တွေ့သောမြို့) ဟုခေါ်၏။ သစ်စေးပင်ထဲတွင်တွေ့ရှိသော ကျောက်မျက်ရတနာကို ဌာပနာပြီးစေတီတစ်ဆူကိုတည်ထားကိုးကွယ်ခဲ့သည်။ ထိုဒေသကို “ သိသိင် ” ဟုခေါ်တွင်ပြီး အတည်တကျနေထိုင်ခဲ့ကြသည်။ (သ) ကို ပအိုဝ်းတိုင်းရင်းသားတို့က (စ) ဟုဖတ်၏။ ထို့ကြောင့် သိသိင် (စိစိုင်) ဟုခေါ်ရာမှ နောင်သောအခါတွင် ဆီဆိုင်ဟူ၍ ဖြစ်လာလေသည်။ ပအိုဝ်းတိုင်းရင်းသားတို့က ဆီဆိုင်မြို့ကို “ သထုံပေ ” (သထုံကလေး) ဟုခေါ်ပြီး အောက်မြန်မာပြည်တွင်ရှိသော သုဝဏ္ဏဘုမ္မိသထုံပြည်ကိုမူ “ သထုံတန် ” (သထုံကြီး) ဟု ယနေ့တိုင်ခေါ်ဝေါ်နေ ကြသည်။

            ပအိုဝ်းတိုင်းရင်းသားတို့သည် ရှမ်းပြည်နယ်အတွင်းသို့ပုဂံခေတ်လယ်လောက်တွင် ၀င်ရောက်နေထိုင်ခဲ့ဟန်တူ၏။ ယခုအခါရှမ်း ပြည်နယ်တွင် ဒုတိယလူဦးရေအများဆုံးဖြစ်သည်။ ရှမ်းတိုင်းရင်းသားများနှင့် ရင်းနှီးချစ်ကြည်စွာနေထိုင်ဆက်ဆံခဲ့၏။ “ တမူးရလို့ တပဲလှူ၊ ဒို့ရှမ်းတောင်သူ ( ပအိုဝ်း) တူနိုင်ရိုးလား ” ဟုပင် သံချပ်ထိုးသီဆိုခဲ့ကြသည်။ ရှမ်းတိုင်းရင်းသားနှင့် ပအိုဝ်းတိုင်းရင်းသားကိုလူမျိုးတစ်မျိုး တည်းသဖွယ် ပေါင်းစပ်၍ “ ရှမ်းပအိုဝ်း” လူမျိုးဟုပင်ခေါ်ဝေါ်သုံးစွဲလာခဲ့ကြသည်။

ဆီဆိုင်မြို့ကိုတည်ထောင်ခြင်း

            သထုံကလေးခေါ် ဆီဆိုင်မြို့ကို ပအိုဝ်းတိုင်းရင်းသားတည်ထောင်သည့်အကြောင်းနှင့် ပတ်သက်၍၊ တစ်ခါကဆီဆိုင်မြို့စားဖြစ်ခဲ့ သော စ၀်ခွန်ကြည်၏မှတ်တမ်းမှဖော်ပြလိုပါသည်။

            ရှမ်းဘာသာဖြင့် “ ဆထုံး ” ခေါ် မြန်မာဘာသာဖြင့် “ သထုံ ” မည်သောဤသထုံသည်မြန်မာပြည်တနင်္သာရီသထုံမှ ပအိုဝ်း လူမျိုးတို့သည် အောက်မြန်မာပြည်ရှိ သထုံပြည်ပျက်စီးပြီးနောက် လာရောက်နေထိုင်ကြသော ပထမရပ်ကွက်ဖြစ်သည်။ အောက်မြန်မာ ပြည်မှ သထုံပြည်ကိုအနော်ရထာ မင်းစောတိုက်၍ ပျက်စီးပြီးနောက် နှစ်ပေါင်းမည်မျှကြမှလာရောက်နေထိုင်သည်ကိုကား မှတ်တမ်းများမရှိ တော့သည်ဖြစ်၍ မသိတော့ချေ။

            မြန်မာပြည် သထုံမှလာရောက်၍ ရှေးဦးစွာပအိုဝ်းတို့ နေထိုင်ကြသော ကရင်ဘာသာဖြင့် “ ဆရီဒေါ့ ” ခေါ်၊ ယခုလွိုင်ကော်မြို့မှ မြောက် ယခု သထုံ (ဆီဆိုင်မြို့)နှင့် ဘန်းယဉ်နယ်စပ်ထိနှင့် တစ်ဘက်ချောင်းမှ အရှေ့မောက်မယ်နယ်ရှိ တထူးကြီးအနောက်ဘက် တောင်တန်းအတွင်းရှိ ဧရိယာရပ်ကွက်သည် ထိုအခါ၌ကရင်နီနှင့် ရှမ်းတို့၏စပ်ကြားရှိ ကရင်နှင့်ရှမ်းတို့နှစ်ဦးစလုံး လုံခြုံစွာ မနေနိုင်သောမြေ ကွက်ဖြစ်ဟန်တူလေသည်။ အဘယ်ကြောင့်ဆိုသော ရှမ်းနှင့်ကရင်တို့လုံခြုံစွာ မနေ၀ံ့သောမြေကွက်ပမာရှိသော ရပ်ကွက်တွင် ပအိုဝ်းများ လာရောက်နေထိုင်သည့်အခါ ကျမှသာလျှင် ၎င်းလူမျိုးနှစ်မျိုးတို့သည် ခါတိုင်းထက် တိုက်ခိုက်ကြခြင်းနည်းပါးသွားသောကြောင့်ဖြစ်၏။

            ထိုအခါယွန်းရှမ်းများသည် ဤသထုံ (ဆီဆိုင်မြို့) မည်သော ဒေသတို့ကို အုပ်စိုးလွှမ်းမိုးလျက်ရှိသည်ဖြစ်၍မြန်မာပိုင်များမဟုတ် သေးချေ။ အောက်မြန်မာပြည်သထုံသို့ မြန်မာမင်းများ ရောက်ရှိသည့်အခါတိုင်းရင်းသားဖြစ်သောလူမျိုးများအကြောင်းကို စစ်ဆေးမေးမြန်း လျှင် မရှိတော့ကြောင်းသိရှိ၍ ယွန်းရှမ်းပိုင်ဖြစ်သော ဤသထုံမမည်သေးသည့် ဤရပ်ကွက်သို့ လူများစေလွှတ်ခေါ်ဆောင်စေသည်။ အကြောင်းမသင့်ကြသဖြင့် အခေါ်လွှတ်သော မင်းစေတို့အားလက်ဆောင်များပေးပြီး “ မတွေ့ဘူး ” ဟုသာမြန်မာဘုရင်ကိုလျှောက်ကြားကြ ရန်မှာကြားပြီး လွတ်လပ်စွာနေထိုင်ခဲ့လေသည်။

            ထိုသို့မြန်မာမင်းစေနှင့် တောင်သူလူကြီးများတို့ တွေ့ဆုံစကားပြောကြ၍ “ မတွေ့ဘူး ” ဟုပြောရန် မှာကြားသော နေရာကိုယခု သထုံနယ်အတွင်း ဆီဆိုင်အရှေ့မြောက်ဘက်ရှိ “ တွေ့ပု ” ဆိုသောနေရာသည် အထင်အရှားရှိပါသည်။ ကာလရွှေ့လျောလာ၍ ၎င်းမြန်မာ အခေါ်မှ ပအိုဝ်းအခေါ်သို့ တစ်စတစ်စသက်ပြောင်းလာခြင်းကြောင့်လည်းကောင်း “ တွေ့ဘူး ” ဆိုသောစကားသည် “ တွေ့ပု ” ဖြစ်လာ သည်။

            မြန်မာသက္ကရာဇ် ၁၁၄၃ ခုနှစ် ရောက်မှသာလျှင်မြန်မာများနှင့် ပအိုဝ်းတို့ဆွေ့ဆုံကြသည်မှ အကျိုးအကြောင်းစိစစ်မေးမြန်းပြီးလျှင် “သထုံ” မည်သော အမည်နာမကိုရရှိလေသည်။မြန်မာများနှင့်ပအိုဝ်းများတွေ့ဆုံကြသည်မှာ သက္ကရာဇ် ၁၁၄၃ ခုနှစ်ထက် စောဟန်တူသည်။ အဘယ်ကြောင့်ဆိုသော် မြန်မာမင်းတို့ ယိုးဒယား (ထိုင်း) ကိုချီတက်တိုက်ခိုက်သည်တွင် တစ်စတစ်စနှိမ်နင်းပြီး၊ မြန်မာပြည်နှင့် ယိုးဒယား ပြည်သို့ သွားလာဆက်ဆံကြသည်မှ အစပြု၍တောင်သူတို့၏ အကြောင်းသည် ပေါ်လွင်လာပြီး ၁၁၄၃ ခု၊ ဘိုးတော်ဘုရားလက်ထက်ကျ ရောက်မှ “ သထုံ ” ဟုအမည်ပေး၍ ပထမဦးစွာအသိအမှတ်ပြုခံရသူသည်လည်း၊ “ ခွန်စံဦး ” အမည်ကိုခံယူလေသည်။ ခွန်မှာ “ မင်း ” ဟု အဓိပ္ပာယ်ရ၏။ ခွန်စံဦးအမည်၏အဓိပ္ပာယ်သည် ဦးဦးဖျားဖျား သထုံမည်သောရပ်ကွက်နယ်ပယ်ကို စိုးစံမြန်းသောမင်းဟူ၍ အဓိပ္ပာယ်ပေါက် လေသည်။

            ခွန်အိုးသည် ထိုအခါ၌ သီပေါဘုရင်က ခန့်အပ်သောမြို့စားရာထူးကိုရရှိပြီးဖြစ်သည်။ ခွန်အိုးသည် ၁၈၉၆ ခု၊ ဇူလိုင်လ ၂၂ ရက်နေ့ တွင် အနိစ္စရောက်၍၊ ၎င်း၏သားခွန်လောဆက်လက်၍ နယ်ကိုဖွားစားသည်။ ခွန်လောပြီးနောက် ခွန်လောညီ ခွန်စိန်းဆက်ခံဖွားစေသည်။ ခွန်စိန်းသည် စုန်းမများကိုသတ်ဖြတ်ပြီး အိန္ဒိယတိုင်းသားကုလားတို့ကို နှိပ်စက်ညှဉ်းပန်းသည့်အတွက် မြို့စားရာထူးမှ နုတ်ပယ်ခြင်းခံ ရပြီး၊ ခွန်စိန်း၏သား၊ ခွန်ကြည်က ၁၉၂၉ ခု၊ ဇွန်လ ၁ ရက်နေ့တွင် သထုံနယ်ကို ဆက်ခံလေသည် ဟုရေးသားခဲ့ပေသည်။

            စ၀်ခွန်ကြည်၏ မှတ်တမ်းအရမူ ပအိုဝ်းတိုင်းရင်းသားတို့သည်အောက်မြန်မာပြည်သထုံမှနေ၍ ရှမ်းပြည်သို့ပြောင်းရွှေ့ နေထိုင်လာခဲ့ ကြသူများဖြစ်ကြောင်းထင်ရှားလေသည်။ ထို့ကြောင့် ရှမ်းပြည်နယ်ရှိ ပအိုဝ်းတိုင်းရင်းသားတို့သည် အနော်ရထာမင်းစောတိုက်သဖြင့်၊ သထုံ ပြည်ပျက်သောအခါ ရှမ်းပြည်တောင်ပိုင်းသို့ အခြေချပြောင်းရွှေ့နေထိုင်ခဲ့ကြပြီး၊ သထုံကလေးခေါ် ဆီဆိုင်မြို့ကိုတည်ထောင်ခဲ့ကြသည်ဟု ယူဆရန်ရှိပေသည်။

            သထုံကလေးခေါ် ဆီဆိုင်မြို့တွင် ပအိုဝ်းတိုင်းရင်းသားတို့၏ အကြီးအကဲများဆယ်နှစ် ဆက်အုပ်ချုပ်ခဲ့ကြသည်။ သူတို့သည် ပအိုဝ်းစစ်စစ်များဖြစ်ကြ၏။ ၎င်းတို့မှာ -

            (၁)        ခွန်မောင်ချုံ                      (၇)        ခွန်ကုံရ

            (၂)        ခွန်မောင်ဖြူ                     (၈)        ခွန်အိုး

            (၃)        ခွန်မောင်သာ                    (၉)        ခွန်လော

            (၄)        ခွန်မောင်နိုင်                     (၁၀)      ခွန်စိန်း

            (၅)        ခွန်မောင်ထိုင်                   (၁၁)      ခွန်ကြည်

            (၆)        ခွန်ပထီ                           (၁၂)      ခွန်ပြာ တို့ဖြစ်ကြသည်။ အချို့က ဤသို့ယူဆပြောဆိုကြသည်။

            သထုံပျက်စီးသွားသောအခါ ပအိုဝ်းတိုင်းရင်းသားတို့သည် မနူဟာမင်း၏မြေးများဖြစ်ကြသည့် ခွန်မောင်နိုင်နှင့် ခွန်မောင်သာ ညီအစ်ကိုတို့၏ဦးဆောင်မှုဖြင့် ရှမ်းပြည်နယ်တက်လာ၏။ ယခုအခါ ပအိုဝ်းတိုင်းရင်းသားများ ရှမ်းပြည်နယ်သို့ရောက်ရှိခဲ့သည်မှ နှစ်ပေါင်း ၉၀၀ ကျော်ပေပြီ။ အစ်ကိုဖြစ်သူ ခွန်မောင်သာသည် သက္ကရာဇ် ၄၂၀ တွင် “ လွယ်ပွတ် ” ရွာကိုတည်၏။ ခွန်မောင်သာသည် သထုံပြည်မှ ယူလာသည့် ရေတစ်မှုတ်နှင့် ပြာတစ်ဆုပ်ကို လွယ်ပွတ်ရွာတွင် ဌာပနာသည်ဟုဆို၏။

            ဆီဆိုင်မြို့မှာအကြီးနှင့်အငယ်ရှိ၏။ ယခုဆီဆိုင်မြိ့မှာ ဆီဆိုင်ငယ်ဖြစ်၏။ ဆီဆိုင်ကြီးမှာ ယခုဆီဆိုင်မြို့၏အရှေ့ဘက် ၂ မိုင်အကွာ တွင်ရှိ၏။ ဆီဆိုင်ကြီကိုယခုအခါ “ ၀ါးတောရွာ ” ဟုခေါ်၏။ ဆီဆိုင်ငယ် “ (ယခုဆီဆိုင်မြို့)” ကို သက္ကရာဇ် ၄၅၈ ခုတွင်တည်၏။

            ဆီဆိုင်ဟုခေါ်ရခြင်းအကြောင်းမှာ -

            မဏိစည်သူမင်း တိုင်းခန်းလှည့်လည်ရာတွင် ဆီဆိုင်နယ်သို့ရောက်ရာ နမ်းကပ်ရွာတွင် စခန်းချ၏။ နမ်းကပ်ရွာတွင်ထူးဆန်းသော ကြက်ဖတစ်ကောင်ရှိ၏။ ထိုကြက်ဖတွန်လျှင် မိုးကြီးရွာ၏။ မိုးချုန်း၏။ မိုးကြိုးပစ်၏။ လေတိုက်၏။ ကြက်ဖပိုင်ရှင်သည် မိမိကြက်ဖမှာ ထူးဆန်းလွန်းသဖြင့် မဏိစည်သူမင်းကိုဆက်ပြီး အကျိုးအကြောင်းလျှောက်၏။

            မဏိစည်သူမင်းသည် အကြောင်းစုံသိပြီးသောအခါ ထိုကြက်ဖကို ဟင်းလျာအဖြစ်စီမံရန် ကျေးကျွန်တို့အားစေလိုက်သည်။ ကြက်ဖ ၏ခြေထောက်မှ အတက်ကိုမူသိမ်းထားစေ၏။ ကျေးကျွန်တို့သည် ကြက်ဖကိုသတ်ပြီးသောအခါ မဏိစည်သူမင်းသည် ကျေးကျွန်တို့ကြက်ဖ သတ်သည့်နေရာကို သွားကြည့်တော်မူ၏။ ထိုနေရာသို့ရောက်သောအခါ ကြက်မွှေးနုတ်ရာတွင် ဆွတ်သည့်ရေနွေးရှိနေသေးသည်။ မဏိစည်သူမင်းသည် ထိုရေနွေကို မြေပေါ်သို့သွန်လိုက်ပြီး “ ငါသွန်လိုက်သောရေပူသည် ရေပူသာပြန်ထွက်စေ ” ဟု အဓိဌာန်ပြု၏။ ထို့ကြောင့် ထိုနေရာတွင်ယနေ့တိုင် ရေပူစမ်းရှိနေခြင်းဖြစ်သည်ဟုဆိုစမှတ်ပြုကြသည်။

            မဏိစည်သူမင်းသည် ကျေးကျွန်တို့ချက်ပြုတ်ပေးသည့် ကြက်သားဟင်းလျာကို ရေပူစမ်းနှင့် တစ်မိုင်ခန့်ဝေးသည့်နေရာတွင် ပွဲတော်တည်ရာ ဟင်းခတ်ရာ၌ ဟင်းဖိတ်သွား၏။ ထိုနေရာကို ယနေ့တိုင် “ ၀မ်ကြတ် ” ဟုခေါ်သည်။ ဟင်းဖိတ်သည့်နေရာဟု အဓိပ္ပာယ်ရ ၏။ ကျေးကျွန်တို့သည် ကြက်သားဟင်းထည့်သည့် ပန်းကန်ကိုအရှေ့တောင်ဘက်သို့ လွှင့်ပစ်လိုက်၏။ ပန်းကန်ကွဲသွားရာ ထိုနေရာကို “၀မ် တက်ရွာ” ဟုခေါ်၏။ ယခုအခါ ရွာမရှိတော့ပေ။

            မဏိစည်သူမင်းသည် နမ်းကပ်ရွာတွင် ရွှေတဂူဘုရားကိုတည်ထားတော်မူခဲ့၏။ အပြန်တွင် ရွှေတဂူဘုရား၏အရှေ့မြောက်တွင် ထူးဆန်းသည့်ကြက်ဖ၏ ခြေထောက်ယူထားသော ကြက်အတက်ကို ချိန်ကြည့်တော်မူသည်။ ထိုနေရာကို “ ဆန်းသိင် ” ဟုခေါ်၏။ ကြက်အ တက်ကိုချိန်ပြီးနောက် အရှေ့မြောက်အရပ်သို့ တိုင်းခန်းလှည့်လည်လာရာ ကျောက်နှင့်တူသည့် ကြက်ဖ၏အတက်ကိုသွေးကြည့်သည်။ ထိုနေရာကို “ဆီသိင်” ဟုခေါ်၏။။ ထို့ကြောင့် ယခုဆီဆိုင်မြို့မှာ “ ဆီသိင် ” မှရွေ့လျောသည်ဟု သက်ကြီးရွယ်အိုများထံမှ မှတ်သားခဲ့ရဖူးပါ သည်။

တောင်သူမှပအိုဝ်းသို့

            ပအိုဝ်းတိုင်းရင်းသားတို့သည် သထုံပြည်မှနေ၍ ထွက်ခွာလာရာတွင် တောင်အရပ်မှ မြောက်အရပ်သို့ ထွက်ခွာလာခြင်းဖြစ်၍ အခြားတိုင်းရင်းသားများက ပအိုဝ်းတိုင်းရင်းသားတို့ကို “တောင်သူ” ပအိုဝ်းဘာသာစကားနှင့် “တောင်စု” အသံထွက်၏။ အဓိပ္ပာယ်မှာ ရိုးသားခြင်း၊ လူရိုးလူဖြောင့်၊ ရိုးသားဖြောင့်မှန်သူဟူ၍ဖြစ်သည်။ ယင်းကို မြန်မာက “ တောင်သူ ” ဟု “ သ ” သံနှင့် အသံထွက်လိုက်သော ကြောင့် တောင်သူယာခုတ်၊ တောင်သား၊ တောင်သူဆိုသည့်အဓိပ္ပာယ်မျိုးဖြစ်လာသည်။ ပအိုဝ်းဘာသာနှင့် “ ပပေယို တောင်စုမှတောင်စူ ” ဟုပြောလိုက်သည့်အခါ “ ဒီကောင်လေး ရိုးမှရိုး ” ဟူသော အဓိပ္ပာယ်မျိုးဖြင့် ရှေးမြန်မာများက ပအိုဝ်းတိုင်းရင်းသားတို့ကို တောင်စူ (လူရိုး) ရိုးသားဖြောင့်မတ်သူဟု ဆိုလိုသော်လည်း “သ” သံကြောင့် အဓိပ္ပာယ်တစ်မျိုးဖြစ်သွားလေသည်။

            ပအိုဝ်းတိုင်းရင်းသားတို့သည် မိမိတို့ကိုယ်ကို ပအိုဝ်းဟုခေါ်ဝေါ်ကြခြင်းမှာ ယခုမှသာမဟုတ်ဘဲ လူမျိုးပေါ်ပေါက်လာစကတည်းက ခေါ်ဆိုခဲ့ကြဟန်တူပေသည်။ ပအိုဝ်းဘာသာဖြင့်ရေးထားသော သုဝဏ္ဏပကာသနီကျမ်းတွင် ပအိုဝ်းကို “ပအူ၊ ပအို၊ တောင်သူ ” ဟူ၍ဖော်ပြ ထားလေသည်။

            ဦးဘသန်း မြန်မာရာဇ၀င် (စာမျက်နှာ ၂၃) တွင် ဆာဂျွန်ဂျာဒင်း၏ အလိုအရ မွန်လူမျိုးတို့ မြို့ပြတည်ထောင်ရန်အတွက် ရှိနှင့်ပြီး တောင်သူလူမျိုးတို့ကိုနှင်ထုတ်ရသည်။ သထုံမြို့ကား ယခုအခါ တောင်သူလူမျိုးတို့၏ အချက်အချာဖြစ်သည်။ သထုံရွှေစာရံဘုရားကြီးသ မိုင်းတွင် သထုံ၌တောင်သူပအူလူမျိုး မင်းများစိုးစံကြောင်းနှင့် ဆိုသည်” ဟု ရေးသားဖော်ပြထား၏။

            မွန်ရာဇ၀င်နှင့်စေတီတော်သမိုင်း ပေါင်းချုပ်တွင်ထည်း သထုံတွင်ခြင်း၏ အကြောင်းကား ယခင်သုဝဏ္ဏဘုမ္မိပြည် ဘွဲ့အမည် မဖြစ်မီက ပြည်စောင့်နတ်၊ မြို့စောင့်နတ်ဟုရှိ၏။ တန်ခိုးဣဒ္ဓိပါတ် မကြီးကျယ်သေး၊ သာမညသာရှိသေးသည်။ နောက်၎င်းသုဝဏ္ဏ ဘုမ္မိပြည် /တည်ထောင်ဖြစ်ပွား စည်ကားသာယာရှိပြီးမှ ရှေးကထက်သာလွန်၍ပြည်စောင့်နတ်မြို့စောင့်နတ်ဟု ပြည်သူပြည်သားမွန်လူမျိုး၊ ပအ လူမျိုးတို့ အလွန်လိုလား အားစိုက်ကြကုန်၏ ဟုဖော်ပြထားလေသည်။

            သက္ကရာဇ် ၅၈၅ ခုနှစ်ထိုး လေးမျက်နှာဘုရားကျောက်စာခေါ် မင်းနန္တသူကျောက်စာ ကြောင်းရေ ၄၃ တွင်လည်း “ ပအိုဝ်း ” ဟူသော စကားကို တွေ့ရှိရ၏။ ဦးဘသန်းမြန်မာရာဇ၀င်နှင့်၊ မွန်ရာဇ၀င်နှင့်စေတီတော်သမိုင်းပေါင်းချုပ်တွင်လည်း “ ပအူ၊ ပအို၊ တောင်သူ ” ဟူ၍ ဖော်ပြထားလေသည်။ ထို့ကြောင့် ပအိုဝ်းတိုင်းရင်းသားကို ရှေးကပင် “ ပအူ” ဟူ၍လည်းကောင်း၊ “ ပအိုဝ် ” ဟူ၍လည်းကောင်း ခေါ်ခဲ့ကြပေ သည်။

            အချို့ကလည်း တောင်သူဆိုသည်မှာ တောင်ယာလုပ်ကိုင်စားသောက်သူကို ခေါ်ကြောင်းဖြင့်လည်း ဆိုကြပါသည်၊ ပညာရှင်များနှင့် သုတေသီများက တောင်ပေါ်တွင်နေသော ကရင်တစ်မျိုးဖြစ်၍တောင်သူဟုခေါ်ကြောင်းဖြင့် ထင်မြင်ချက်ပေးကြသည်။ဥပမာအားဖြင့် ကရင်နီ တို့သည် ကရင်တစ်မျိုးဖြစ်သော်လည်း“ကယား”ဟု ခေါ်သကဲ့သို့ တောင်သူမှာလည်း တောင်ပေါ်တွင်နေသောကရင်တစ်မျိုးဖြစ်၍“တောင်သူ” ဟုခေါ်ကြောင်းဖြင့်ဆိုကြသည်။

            အခြားတိုင်းရင်းသားများကလည်း ပအိုဝ်းတိုင်းရင်းသားများကို “တောင်သူ”ဟူ၍ ခေါ်ကြလေသည်။ တောင်သူအခေါ်အဝေါ်နှင့်ပတ် သက်၍ မြန်မာတို့သည် မိမိတို့ထက်တောင်ဘက်ကျသော သထုံနယ်ကုန်းမြေမြင့် ရှမ်းပြည်ဆီသို့ တက်ခဲ့ကြရာ“တောင်လူ”ဟု ခေါ်ရာမှကာလ ရွှေ့လျောလာသည်နှင့်အမျှ“တောင်သူ”ဟူ၍ ပြောင်းလဲလာသည်ဟုလည်း ဆိုကြပေသည်။ သုတေသနသရုပ်ပြ အဘိဓာန်ကလည်းလူမျိုးတစ်ရာ့တစ်ပါးတွင် တစ်မျိုးအပါအ၀င်ဖြစ်ကြောင်း ဖော်ပြနေ၏။ ဇမ္ဗူတံဆိပ်ကျမ်းကလည်း မြန်မာခုနှစ်မျိုးထဲတွင် “သက်နှင့်ရခိုင်နှိုင်းပြိုင်တောင်သူ၊ ပျူကမ်းယံလည်း”“တောင်သူ”လူမျိုးဟူ၍ တွေ့ရ၏။ထို့ကြောင့် ပအိုဝ်းတိုင်းရင်းသားတို့ကို ပုဂံခေတ် ကပင်“ပအူဟူ၍လည်းကောင်း၊တောင်သူဟူ ၍လည်းကောင်း၊ ပအိုဝ်ဟူ၍လည်းကောင်း”ခေါ်ခဲ့ကြကြောင်း ထင်ရှားသည်။

            သတင်းထောက်ချစ်လွင်၏“တို့ပြည်ထောင်စု”ဆောင်းပါးတွင် တိုင်းရင်းသားလူမျိုးများအနက် ပအိုဝ်းတိုင်းရင်းသားကို အမှတ်စဉ် ၂၂ တွင်“ပအိုဝ်(တောင်သူ)”ဟု ဖော်ပြထား၏။ စ၀်ခွန်ကြည်၏မှတ်တမ်းအရလည်း အောက်မြန်မာပြည် သထုံပျက်၍ ရှမ်းပြည်သို့ပြောင်း ရွှေ့လာစဉ်ကပင်“တောင်သူ”ဟု ခေါ်ခဲ့ကြောင်း ထင်းရှား၏။ ရှေးစာဟောင်းပေဟောင်းတွင်လည်း “တောင်သူ”ဟုသာအခေါ်များခဲ့ကြ၏။ စ၀်ခွန်ကြည်၏ ရှမ်းပြည်နယ်အမှားတော်ပုံတွင် “တလိုင်း၊ကရင်၊ တောင်သူ၊ ရခိုင်၊ချင်း၊ကချင်အစရှိသည့် နယ်ပယ်လူမျိုးများကို ” ဟုရေးသား ဖော်ပြထားသည်ကိုလည်းကောင်း၊ သုဝဏ္ဏသျှံသူဌေးခန်းပျို့(စာ ၅-၆)တွင် “ကုန်သည်တရုတ်။ လယ်လုပ်မရော၊ စကြောမပြွမ်း၊ ဂျွမ်းနှင့်တောင်သူ၊လူကား တရိုး၊ သူမြတ်မျိုးကား”ဟု တွေ့ရပြန်သေး၏။ တောင်သူမှာပအိုဝ်းတိုင်းရင်းသားကိုပင်ဆိုလိုပေသည်။

            ဤသည်ကိုထောက်လျှင် ပအိုဝ်းတိုင်းရင်းသားတို့သည် ရှေးနှစ်ပေါင်းများစွာကတည်းကပင် မြန်မာပြည်တွင် တိုင်းရင်းသား လူမျိုးတစ်မျိုးအဖြစ်နေထိုင်ခဲ့သည်။ ယနေ့တိုင် ကိုယ်ပိုင်ယဉ်ကျေးမှုနှင့် ကိုယ်ပိုင်ဘာသာစကားသီးခြားရှိနေပေသည်။ ယခုအခါ တောင်သူ ဟူသော အမည် နာမတဖြည်းဖြည်းပပျောက်ပြီး “ပအိုဝ်း”ဟူ၍ အသိများကြလေသည်။

            ပအိုဝ်းတိုင်းရင်းသားတို့သည် ၄င်းတို့အား တောင်သူဟု ခေါ်ခြင်းထက် ပအိုဝ်းဟုခေါ်ခြင်းကို ပို၍နှစ်သက်ကြသည်။

အဘယ်ကြောင့်ဆိုသော်-

(၁) တောင်သူဟူသော် စကားမှာ တောင်ယာလုပ်ငန်းဖြင့် အသက်မွေးသူဟု အဓိပ္ပာယ်၍ တောင်သူလယ်သမားနှင့် တောင်သူလူမျိုးကို မရော ယှက်လိုခြင်း။

(၂) ပအိုဝ်းဘာသာစကားဖြင့် မိမိလူမျိုးအခေါ်အဝေါ်ကို ပိုမိုနှစ်ခြိုက်စွာအသုံးပြုလိုခြင်း၊

(၃) ယခင်အချိန်က တောင်သူလယ်သမားများသည် စာပေမတတ်၊ ဗဟုသုတခေါင်းပါးပြီး ထုံထိုင်းရိုးအသောသူဟု အယူရှိကြသဖြင့် တောင် သူဟု ခေါ်ခြင်းကို မနှစ်လိုခြင်းတို့ဖြစ်လေသည်၊ ထို့ပြင် ရှမ်းပြည်နယ်တွင် ပဒေသရာဇ်စနစ်ထွန်းကားစဉ်က အလုပ်အကျွေးပြုရသော လူတန်း စားအဖြစ်သတ်မှတ်ခံရသောကြောင့် ဖြစ်လေသည်။

            အထက်ပါအကြောင်းအချက်များကြောင့် ပအိုဝ်းတိုင်းရင်းသားတို့သည်“တောင်သူ”မှ “ပအိုဝ်း”ဟူ၍ခေါ်ဝေါ်သုံးစွဲရန် ၁၉၄၈ ခုနှစ် တွင် ပအိုဝ်းအမျိုးသားအဖွဲ့မှ သထုံဦးလှဖေခေါင်းဆောင်သော ပအိုဝ်းလူထု ဆန္ဒပြပွဲကို သထုံမြို့မော်ကျော့ရပ် ရေကျော်ဘုန်းတော်ကြီး ကျောင်းဝင်းအတွင်းတွင် ကျင်းပခဲ့သည်။ ယင်းဆန္ဒပြပွဲမှ ပအိုဝ်းတိုင်းရင်းသားတို့ကို“တောင်သူ”ဟူ၍ ခေါ်ဆိုရာမှ “ပအိုဝ်း”ဟူ၍ ပြောင်းလဲ ခေါ်ဝေါ်ရန်ဆုံး ဖြတ်ခဲ့ကြသည်။ ဤဆုံးဖြတ်ချက်ကို သက်ဆိုင်ရာတို့က အသိအမှတ်ပြုခဲ့လေသည်။

            လွတ်လပ်ရေးရပြီးသည့်နောက်တွင် ပအိုဝ်းတိုင်းရင်းသားတို့ကို အခြားတိုင်းရင်းသားများက တဖြည်းဖြည်းအသိများလာ၏ “ပအိုဝ်း ”  ဟူ၍ သိလာကြသော်လည်း “ပအူ၊ပအို၊ပအို့၊ပအိုဝ့်၊ပအိုဝ်း”စသည်ဖြင့် အမျိုးမျိုးရေးသား ခေါ်ဝေါ်နေကြပေသည်၊ သို့ရာတွင် “ပအိုဝ်း”နှင့် “ပအိုး” အသံနှစ်မျိုး၏ကြားအသံသည် တိကျမှန်ကန်ဌာန်ကရိုဏ်း ကျပေသည်။ တိကျမှန်ကန်သေချာသော ပအိုဝ်းအရေးအသားမှာ မရေမရာမသေမချာဖြစ်နေပေသေး၏၊ ထို့ကြောင့် ၁၉၅၂ ခုနှစ်တွင် တက္ကသိုလ်ပေါင်းစုံ ပအိုဝ်းယဉ်ကျေးမှုမြှင်းတင်ရေး အဖွဲ့က “ပအိုဝ်း” ဟူသော ဝေါဟာရကိုသာ ရေးသားခေါ်ဝေါ်ကြရန် အသိအမှတ်ပြု၍ သဘောတူဆုံးဖြတ်ကြလေသည်။ ပအိုဝ်းတိုင်းရင်းသားတို့ကလည်း မိမိတို့အား “ပအိုဝ်း”ဟု ခေါ်ဝေါ်ရေးသားခြင်းကိုသာ နှစ်သက်ကြလေသည်။

ပအိုဝ်းနှင့် မွန်

            သုဝဏ္ဏဘူမိဒေသတွင် ပအိုဝ်းတိုင်းရင်းသားတို့သည် မွန်တိုင်းရင်းသားတို့နှင့်နီးကပ်စွာဆက်ဆံနေထိုင်ခဲ့ကြသည်ဟုဆိုနိုင်သည်။ ဦးဘသန်း၏ ကျောင်းသုံးမြန်မာရာဇ၀င်တွင် “ ဆာဂျွန်ဂျာဒင်း၏အလိုအရ မွန်လူမျိုးတို့မြို့ပြတည်ထောင်ရန်အတွက်ရှိနှင့်ပြီး တောင်သူ လူမျိုး တို့ကိုနှင်ထုတ်ရသည် ” ဟုဖော်ပြထားသည်။

            ပအိုဝ်းဘာသာဖြင့်ရေးသားထားသည့် ပင်စုံတောရဆရာတော်၏“ သုဝဏ္ဏပကာသနီကျမ်း ” စာအုပ်တွင် မနုဟာမင်းသည် အရမည မင်း၏သားတော်ဖြစ်၏။ အရမညမင်း၏ ခမည်းတော်မှာ မွန်လူမျိုးဖြစ်ပြီး မယ်တော်မှာ ပအိုဝ်းလူမျိုးဖြစ်သည်ဟု ” ရေးသားဖော်ပြထားပေ သည်။

            အထက်ပါအကြောင်းအရာများကိုထောက်လျှင် ပအိုဝ်းတိုင်းရင်းသားနှင့် မွန်တိုင်းရင်းသားတို့သည် အောက်မြန်မာပြည်တွင် ချစ်ခင် ရင်းနှီးစွာ ရောယှက်နေထိုင်ခဲ့ကြကြောင်းထင်ရှားပေသည်။ ယနေ့တိုင်အောင်ပင် ပအိုဝ်းတိုင်းရင်းသားတို့သည်မွန်လူမျိုးတို့နှင့် မွန်ပြည်နယ်၊ ကရင်ပြည်နယ်ဒေသများတွင် အချင်းချင်းရင်းနှီးချစ်ကြည်စွာ ဆက်ဆံနေထိုင်လျက်ရှိကြပေသည်။

            အချို့သက်ကြီးရွယ်အို ပအိုဝ်းတိုင်းရင်းသားများက တောင်သားလူမျိုးများသည် ပအိုဝ်းတိုင်းရင်းသားအနွယ်ဟုယူဆပြောဆိုကြ သော်လည်း၊ တောင်သားတို့သည် ပျူအနွယ်ဟုယူဆခြင်း၊ ပအိုဝ်းတို့နှင့် ဘာသာစကားတူညီမှုမရှိခြင်းတို့ကြောင့် တောင်သားလူမျိုးသည် သီးခြားလူမျိုးတစ်မျိုးဖြစ်ပေလိမ့်မည်။

ပအိုဝ်းတိုင်းရင်းသားပေါက်ဖွားလာပုံဒဏ္ဍာရီ

            ပအိုဝ်းတိုင်းရင်းသားတို့သည် မိမိကိုယ်ကို နဂါးအမျီုးအနွယ်မှပေါက်ဖွားလာသည်ဟု ယူဆကြ၏။ မိခင်မှာ နဂါးမဖြစ်ပြီး ဖခင်မှာ ဇော်ဂျီ (၀ိဇ္ဇာ) ဟုယူဆကြသည်။ သက်ကြီးရွယ်အိုများကလည်း မိမိတို့မှာ နဂါးမျိုးနွယ်ဖြစ်ကြောင်းနှင့် နဂါးမှပေါက်ဖွားဆင်းသက်လာပုံကို လူငယ်များအားယနေ့တိုင် ပြောဆိုနေကြသေး၏။

            ပအိုဝ်းပေါက်ဖွားလာပုံ ဒဏ္ဍာရီလေးမှာ -

            သက္ကရာဇ် ၄၀၀ ခ န့်လောက်တွင် သူဘိန္နမြို့၌ ခွန်တိဿမည်သော မင်းသည်မင်းပြု၏။ ထိုမင်း၏ မိဖုရားမှာ သီရိကပ္ပဟုတွင်၏။ မင်းနှင့်မိဖုရားတွင် တိဿဓမ္မနှင့် ထဒထရာဇာဟုခေါ်သည့် သားတော်နှစ်ပါးထွန်းကား၏။ သားတော်နှစ်ပါးစလုံးမှာ သူတော်ကောင်းစိတ်ဓါတ် များရှိကြ၏။ ထိုကြောင့် အရွယ်ရောက်လာသောအခါ ခမည်းတော်မယ်တော်ထံ ခွင့်တောင်းပြီး ရသေ့ဝတ်လဲကာတောထွက်သွားကြ၏။

            တစ်နေ့သောအခါ နဂါးမသည် လူပြည်သို့ရောက်ရှိခဲ့ရာ လူယောင်ဖန်ဆင်းပြီး တောထဲ၌လှည့်လည်နေထိုင်သည်။ ထိုသို့ တောထဲတွင်လှည့်လည်နေထိုင်ရင်း တောဟေမ၀န်၏စိမ်းစိုသာယာမှုကြောင့် ထိုတောထဲတွင် နေထိုင်လိုသောဆန္ဒပေါ်လာ၏။ မိန်းမ ဖန်ဆင်းပြီးတော၌ လှည့်လည်ခဲ့ရာ နတ်ရေးသောဖူးစာကြောင့် လေလားမသိ၊ (၀ိဇ္ဇာ) ဇော်ဂျီနှင့် ဖူးစာဆုံလေတော့၏။ ဇော်ဂျီသည် ထိုအမျိုးသမီးကို နဂါးမမှန်းမသိချေ။ ထို့ကြောင့်နှစ်နှစ်ကာကာ ပေါင်းသင်းနေထိုင်ခဲ့ရာ နဂါးမတွင် ပဋိသန္ဓေစွဲလာခဲ့သည်။ ကိုးလလွယ်၍ ဆယ်လသို့ရောက်သောအခါ နဂါးမသည် ဥနှစ်လုံးကိုဖွားသန့်စင်ခဲ့သည်။ ထိုဥနှစ်လုံးသည် အရွယ်အစားတူညီစွာရှိပြီး အလွန်လှပလေသည်။

            ထိုသို့မိမိမိန်းမက ဥနှစ်လုံးဖွားမြင်သည်ကို (၀ိဇ္ဇာ) ဇော်ဂျီကသိသောအခါ “ အလို ငါ့ အိမ်သူမသည် လူသားစစ်စစ်မဟုတ်၊ မြွေမျိုး နဂါးမျိုးပါကလား ” ဟူ၍ညည်းညူလေ၏။ ထိုနောက်စိတ်ပျက်အားငယ်ပြီးထွက်ပြေးရန်ကြံစည်လေတော့သည်။ ထို့ကြောင့်နဂါးမကိုချိုသာ သော စကားပရိယာယ်ဖြင့် ကလေးများအတွက်ဆေးရှာထွက်ခွင့်ပေးရန်ခွင့်တောင်းလေသည်။ မိမိ၏မိန်းမနဂါးမ မျက်ကွယ်သို့ရောက်သော အခါ ကောင်းကင်ဆန်လျက်ပျံတက်သွားလေသည်။

            သုံးလေးရက်ခန့်ကြာသောအခါ နဂါးမသည် မိမိ၏လင်တော်မောင်ဝိဇ္ဇာဇော်ဂျီပြန်လာလေနိုးဖြင့် လည်တဆန့်ဆန့်နှင့် မျှော်ကိုးနေခဲ့၏။ သို့သော်လင်တော်မောင်ဝိဇ္ဇာဇော်ဂျီပြန်မလာသဖြင့် နဂါးမသည်ဤသို့ညည်းညူးပြန်လေသည်။ “ ငါ၏လင်တော်မောင် သည် ကလေးများအတွက်ဆေးရှာထွက်ရာတွင် ဤမျှကြာမြင့်ရခြင်းမှာ ငါသည်နဂါးမတိရစ္ဆာန်ဖြစ်ကြောင်းကို ငါ၏လင်တော်မောင် ၀ိဇ္ဇာဇော်ဂျီသိသွားသောကြောင့် ဖြစ်လိမ့်မည်ဟုပြင်းစွာစိုးရိမ်ပူပန်လေ၏။ ထို့ကြောင့်မိမိလင်ကိုတွေ့လိမ့်လေနိုး၊ တွေ့လေနိုးဖြင့်တောအနှံ့ တောင်အနှံ့လှည့်လည် ရှာဖွေခဲ့၏။ သို့သော်မိမိလင်တော်ကိုအရိပ်အယောင်မျှပင်မတွေ့လေသဖြင့် လူမတန် ကံချကာပြင်းစွာ အော်ဟစ် ငိုကြွေးလေရှာသည်။ မိမိ၏ရင်နှစ်သီးချာဖြစ်သည့် လှပသောဥနှစ်လုံးကို ဥမင်လိုဏ်ခေါင်းထဲတွင် လုံခြုံစွာသိမ်းဆည်းထားခဲ့ပြီး မိမိ၏ဌာန နဂါးပြည်သို့ပြန်သွားလေ၏။

            ထိုနောက်ရသေ့တစ်ပါးသည် တောသို့ခရီးစကြာဖြန့်တော်မူရာတွင် ဥမင်လိုဏ်ခေါင်းအတွင်း၌ဥနှစ်လုံးကိုတွေ့ရှိ၏။ ထိုဥနှစ်လုံး သည် အလွန်လှပပြီး ထူးဆန်းအံသြဖွယ်ကောင်းလွန်းသဖြင့် မိမိ၏ကျောင်းသို့ယူဆောင်ခဲ့လေသည်။ ရသေ့ညီအစ်ကိုနှစ်ပါးလည်းတိုင်ပင်ညှိ နှိုင်းပြီး ထိုဥနှစ်လုံးကိုတစ်ပါးတစ်လုံးစီခွဲဝေယူကြ၏။ မကြာမြင့်မီပင် ထိုဥနှစ်လုံးမှလူသားနှစ်ဦးပေါက်ဖွားလာခဲ့သည်။ တစ်ဦးသည် ယောက်ျားလေးဖြစ်ပြီး တစ်ဦးမှာမိန်းကလေးဖြစ်၏။ (အချို့ရာဇ၀င်များကနှစ်ဦးစလုံးပင် ယောက်ျားလေးဖြစ်ပြီး တစ်ဦးမှာ ကျောက်ကပ် ရောဂါဖြစ်၍ သေကြောင်းဖြင့်ဆိုကြသည်ဟုဆို၏။) ဥမှ မိန်းကလေးရသောရသေ့သည် မိမိနှင့်မအပ်မရာဖြစ်၍ ကရင်တို့အားပေးလိုက်သည်။ ယောက်ျားလေးရသောရသေ့သည် အရွယ်ရောက်သည့်တိုင်ကျွေးမွေးပြုစု၏။ စောင့်ရှောက်၏။ ပညာလည်းသင်ပေး၏။ ဖခင်ဖြစ်သူ ၀ိဇ္ဇာဇော်ဂျီကလည်း မိမိ၏ရင်သွေးသားလေးအား ပညာများကူညီသင်ပြပေးလေသည်။ ထိုကလေးငယ်ကို ရသေ့က တီဿသီဟဟု အမည်ပေးလေသည်။

            ကာလအတန်ကြာသောအခါ ခွန်တိဿမင်းလည်းနတ်ရွာစံတော်မူ၏။ သားတော်နှစ်ပါးမှာလည်း ရသေ့ဖြစ်နေကြသဖြင့် ထီးနန်းကို ဆက်လက်စိုးစံမည့်သူတစ်စုံတစ်ယောက်မျှမရှိချေ။ ထို့ကြောင့် မှူးမတ်တို့လည်းစည်းဝေးတိုင်ပင်ကြပြီး ထိုရသေ့နှစ်ပါးကိုတိုင်းပြည်သို့ ပြန်ခေါ်ရန်ဆုံးဖြတ်ကြလေသည်။ မှူးမတ်တို့လည်း တိုင်းသူပြည်သားအချို့နှင့်ရသေ့နှစ်ပါးကို တောအနှံ့ရှာဖွေကြရာ တစ်ခုသောကျောင်း တွင်တွေ့သဖြင့် ထိုရသေ့နှစ်ပါးအားတိုင်းပြည်သို့ပြန်ကြွတော်မူပြီးမင်းပြုပါမည့်အကြောင်းလျှောက်ထားတောင်းပန်ကြလေ၏။

            မှူးမတ်တို့၏ စကားကိုကြားသော ရသေ့ညီနောင်နှစ်ပါးက ဤသို့ဆို၏။ “ ငါတို့သည် တိုင်းပြည်အုပ်ချုပ်မင်းလုပ်လိုသောစိတ်ဆန္ဒ စိုးစဉ်းမျှမရှိပါ။ ကမ္မဌာန်းဘ၀၌သာမွေ့လျော်လိုပါသည်။ အကယ်၍ ဒကာတို့သဘောကျနှစ်သက်မည်ဆိုပါက ငါတို့တွင် တိဿသီဟ ဟုခေါ်သောသားတော်ရှိ၏။ ထိုသားတော်ကို ဒကာတို့ခေါ်ဆောင်၍ မင်းအဖြစ်ဘိသိက်သွန်းကြကုန်လော့ ” ဟုမှူးမတ်တို့အားမိန့်ကြားလေ သည်။ ရသေ့၏စကားကိုကြားရသောအခါ တိုင်းသူပြည်သားမှူးမတ်များလည်းအထူးနှစ်ခြိုက်သဘောကျပြီးမင်းအဖြစ် ဘိသိက်ပေးမည်ဖြစ် ကြောင်းနှင့် ၀န်ခံကြကုန်၏။ ထိုနောက်မှူးမတ်တို့လည်း မည်သည့်နေ့ရက်တွင် ဘိသိက်သွန်းမင်းမြှောက်သော်ကောင်းမည်ကို နေ့ကောင်း ရက်မြတ်ရွေးချယ်ပြီးလျှင် တိဿသီဟမင်းသားကို ရထားပေါ်တွင်တင်၍ သုဘိန္နပြည်သို့ ပြန်ကြလေကုန်၏။

            ရသေ့လည်း တိုင်းသူပြည်သားမှူးမတ်တို့က မိမိ သားတော်ကိုခေါ်ပြန်သောအခါ “ ငါ၏သားတော်သည် ဥာဏ်ပညာနည်းသေး၏ မင်းမဖြစ်လောက်သေး ” ဟူ၍စိုးရိမ်ပူပန်လေသည်။ လူမင်းဘုန်းကြီးက နတ်မင်းမနေသာဆိုသကဲ့သို့ ရသေ့ပူဆွေးသောကရောက်နေသည် ကိုသိကြားမင်းကသိသောအခါ လူ့ပြည်သို့ဆင်းသက်ပြီး ရှင်ရသေ့အား“ အဘယ်ကြောင့် ကျိန်းစက်ခြင်းမရှိဘဲဤသို့စိုးရိမ်ပူပန်နေအံ့နည်း” ဟုမေးလေ၏။ ထိုအခါရှင်ရသေ့က “ မှန်လှပါ ဘုရားတပည့်တော်သည် သားတော်ပညာမစုံသေးပါဘဲလျက် မင်းပြုစေသဖြင့် သားတော်အ တွက်စိုးရိမ်ပူပန်ခြင်းဖြစ်ရပါသည်ဘုရား ” ဟု လျှောက်ထားလေ၏။ သိကြားမင်းကလည်း “ စိုးရိမ်ပူပန်ခြင်းမဖြစ်လင့် ငါသိကြားမင်း ကူညီ စောင့်ရှောက်ပေးပါမည် ” ဟုအာမခံမိန့်ကြားလေ၏။ သိကြားမင်း၏စကားကိုကြားရသောအခါ ရသေ့လည်းပျော်ရွှင်ခြင်းဖြစ်လေသည်။

            မင်းပြုရမည့်နေ့ကောင်းရက်မြတ်သို့ ရောက်သောအခါ မှူးမတ်တို့က တိုင်းသူပြည်သားများအားခရီးလမ်းပန်းပြုပြင်စေသည်။ လမ်းဘေးပတ်ဝန်းကျင်တွင်လည်း ငှက်ပျောပင်များရာဇမတ်များစိုက်ထူစေ၍ တန်ဆောင်းပြဿဒ်များကိုလည်းပြုလုပ်စေသည်။ တိဿသီဟ မင်းသားကိုလည်း မင်းဝတ်တန်ဆာများဆက်သ၍ ဘိသိက်သွန်းမင်းမြှောက်ကြလေသည်။

            တိဿသီဟမင်းသားလည်း အတည်တကျမင်းပြုပြီးသောအခါ အရှေ့တောင်အရပ်တွင်ရှိသော ရွှေချောင်းနားတွင် နန်းတော်ကို တည်တော်မူ၏။ ထိုအရပ်သည် အသက်ရှည်သောမင်းပြုရာဒေသဖြစ်ပြီး တိုင်းပြည်လည်းအေးချမ်းငြိမ်သက်သော ဒေသဖြစ်လိမ့်မည်ဟုယူဆ လေသည်။ နဂါးမဥမှပေါက်ဖွားလာသော တိဿသီဟမင်းသားသည် ထိုအရပ်တွင်မင်းလောင်းတစ်ပါးအဖြစ် အသိအမှတ်ပြုစိုးစံပြီး ထိုအရပ် ကိုလည်း သုဝဏ္ဏဘူမိ ရွှေထုံပြည်ဟုတွင်စေ၏။ တိုင်းသူပြည်သားများကလည်း တိဿသီဟမင်းသားဟူ၍ အသိအမှတ်ပြုကြလေသည်။ ရသေ့က ကရင်လူမျိုးတို့အားပေးထားသော မိမိ၏နှမတော်ကိုလည်း “ နာဂ၀တီ ” ဟုအမည်တွင်စေ၍ မိဖုရားမြှောက်ကာဆက်လက်သိမ်း မြန်းစိုးစံလေသောဟူ၏။

            တိဿသီဟမင်းမှအစပြု၍ အစဉ်အဆက်အုပ်ချုပ်မင်းလုပ်လာခဲ့ရာ မနူဟာမင်းလက်ထက်တိုင်အောင်ပင်ဖြစ်၏။ မနူဟာမင်းကား အရမညမင်း၏သားတော်ဖြစ်သည်။ အရမညမင်း၏ ခမည်းတော်မှာ မွန်လူမျိုးဖြစ်ပြီး မယ်တော်မှာ ပအိုဝ်းလူမျိုးဖြစ်သည်ဟုဆို၏။ အရမည မင်းသည် သက်တော် ၈၂ နှစ်သို့ရောက်သောအခါ နတ်ရွာစံတော်မူ၏။ ဂေါတမမြတ်စွာဘုရားလက်ထပ်တွင် ပအိုဝ်းမင်းဆက် ၁၅၈ ဆက်ရှိ ရာ ဓမ္မမာလာမင်းမှာ နောက်ဆုံးဖြစ်သည်ဟုဆိုလေသည်။ မနူဟာမင်းမတိုင်မီ ပအိုဝ်းမွန်ကပြားမင်းဆက် ၁၇ ဆက်မျှအုပ်ချုပ်ခဲ့ကြောင်း ဆို၏။ ၎င်းတို့မှာ -

            (၁)        မောင်လှ                         (၉)        ရာဇပမော

            (၂)        အသန္တုလ                       (၁၀)      ရာဇခုပါ

            (၃)        အဿရာဇ                      (၁၁)      သုတ္တဥပါ

            (၄)        တတ္တိရာဇ                        (၁၂)      ဇေယရာဇ

            (၅)        ဂုသေနာ                         (၁၃)      သုဒ္ဓိရာဇ

            (၆)        ရာဇစောကန်                    (၁၄)      ဥပလရာဇ

            (၇)        ရာဇဇော်ဝေ                     (၁၅)      မိမလရာဇ

            (၈)        ရာဇမစာတ                      (၁၆)      ဒွါဒဿရာဇ

                                                            (၁၇)      အရမညရာဇ တို့ဖြစ်ကြ၏။

            ရှေးပဝေသဏီကပင် ပအိုဝ်းတိုင်းရင်းသားတို့သည် ကိုယ့်မင်းဆက်နှင့်ကိုယ် အသီးသီးအုပ်ချုပ်ခဲ့ကြသည်ဟုဆို၏။ ကကုသန်ဘုရား လက်ထပ်တွင် ၃၈၄ ဆက်၊ ကောဏဂုံဘုရားလက်ထပ်တွင် ၃၀၉ ဆက်၊ ကဿပမြတ်စွာဘုရားလက်ထက်တွင် ၁၈၇ ဆက်နှင့် ဂေါတမ ဘုရားလက်ထက်တွင် ၁၅၈ ဆက် အသီးသီးအုပ်ချုပ်ခဲ့ကြသည်ဟုသိရ၏။ (ပအိုဝ်းဘာသာဖြင့်ရေးသားထားသော သုဝဏ္ဏပကာသနီကျမ်းမှ ကောက်နုတ်ပြန်ဆိုသည်။)

            အငြိမ်းစားကျောင်းအုပ်ဆရာကြီး ဦးအောင်သိန်း၏ သာသနာအစ သထုံကသမိုင်းမှတ်တမ်းစာအုပ် (စာမျက်နှာ ၄၃) တွင် “ မြတ်စွာ ဘုရားသည်လည်း ချစ်သားအာနန္ဒာ ယခုဘဒ္ဒကမ္ဘာ၌ ကကုသန်ဘုရားလက်ထက်တော်ကစ၍ သူရိနာဂမင်းကြီး၏ အဘကား နေမင်းသား၊ အမိကား နဂါးမ၊ အဘကား ၀ိဇ္ဇာဓိုရ် ပအိုဝ်းတောင်သူလူမျိုးဖြစ်၏ ” ဟုရေးသားဖော်ပြထား၏။

            ဦးသော်ဇင်၏ “ မြန်မာပြည်ရောက် ဗုဒ္ဓဘာသာ ” စာအုပ်စာမျက်နှာ ၄၃၉ တွင် ဂ၀ံပတိ ရဟန္တာအကြောင်းပါ၏။ ဂ၀ံပတိရဟန္တာအ ကြောင်းတွင်လည်း ပအိုဝ်းတိုင်းရင်းသားပေါ်ပေါက်လာပုံ ဒဏ္ဍာရီနှင့်ဆင်သော အကြောင်းအရာကိုတွေ့ရ၏။ အလားတူပင် မွန်ရာဇ၀င်နှင့် စေတီတော်များ သမိုင်းပေါင်းချုပ်စာအုပ်တွင်လည်း ပအိုဝ်းတိုင်းရင်းသားပေါ်ပေါက်လာပုံဒဏ္ဍာရီနှင့်ဆင်သောအကြောင်းအရာကိုတွေ့ရ၏။

            မြန်မာ့ဆိုရှယ်လစ် လမ်းစဉ်ပါတီ၊ ပါတီစည်းရုံးရေးဗဟိုကော်မတီဌာနချုပ်မှ ထုတ်ဝေသည့် ပြည်ထောင်စုမြန်မာနိုင်ငံတိုင်းရင်းသား ယဉ်ကျေးမှု ဓလေ့ထုံစံ (ရှမ်း) စာအုပ်တွင် ပအိုဝ်းတိုင်းရင်းသားဆင်းသက်လာပုံ ဒဏ္ဍာရီကို ဤသို့ဖော်ပြထား၏။

            “ ပအိုဝ်း (တောင်သူ) တို့၏ မူလဇာတိသည် မြန်မာနိုင်ငံတောင်ပိုင်းသထုံခရိုင်ဖြစ်၏။ ပအိုဝ်းတို့၏ ဒဏ္ဍာရီပုံပြင်အရဆိုသော် ပအိုဝ်း လူမျိုးများသည် နဂါးနှင့် ၀ိဇ္ဇာမျိုးမှဆင်းသက်ခဲ့သည်ဟုဆို၏။ မြတ်စွာဘုရားမပွင့်မီက ယခုသထုံမြသပိတ်တောင်ခြေတွင် ရဟန္တာတို့ သီတင်း သုံးလျက်ရှိကြသည်.

            ထိုဒေသအနီးတွင် ရေအိုင်ရှိရာ နဂါးတို့စံပျော်ကြသည်။ တစ်နေ့တွင် နဂါးမင်း၏သမီးတော်က တောင်ခြေရှိရဟန္တာတို့ကို ဖူးမြော်လိုပါသည်။ လူ့ပြည်သို့ သွားခွင့်ပြုပါရန် ခမည်းတော်နဂါးမင်းကြီးထံပန်ကြားလေသည်။ အစတွင် ခွင့်မပြုသော်လည်း အတန်တန် ပူဆာသဖြင့် ခွင့်ပြုလိုက်လေသည်။

            နဂါးမင်းသမီးသည် လူယောင်ဆောင်၍ ရဟန္တာတို့အားဖူးမြော်ပြီး နဂါးပြည်ကိုပြန်မည့်ဆဲဆဲ ၀ိဇ္ဇာပျိုတစ်ဦးနှင့်တွေ့မိ၍ ၀ိဇ္ဇာပျိုနှင့် ချစ်ကြိုးသွယ်ရာ ဥကြီးနှစ်လုံးကိုရခဲ့သည်။ ထိုဥကြီးနှစ်လုံးကို ရသေ့တစ်ပါးထံအပ်နှံပြီး နဂါးမင်းသမီးသည် နဂါးပြည်သို့ပြန်လေသည်။

            ရသေ့ကြီး ကြည့်ရှုစောင့်ရှောက်ထားသော ဥကြီးနှစ်လုံးမှ လူသားယောက်ျားလေးတစ်ယောက်နှင့်မိန်းကလေးတစ်ယောက်ဖွားမြင် လာကြသည်။ ရသေ့ကြီးက ကျွေးမွေးပြုစုခဲ့ရာကြီးပြင်းလာသောအခါ သုဝဏ္ဏဘူမ္မိတွင် အုပ်စိုးသောမင်းဆက်ဖြစ်လာလေသည်။ ယင်းမင်း ဆက်တို့မှပအိုဝ်းလူမျိုးဖြစ်ပေါ်လာခဲ့သည်။ ထိုမှတစ်ဖန် အထက်ဖော်ပြပါရာဇ၀င်ကြောင့် ပအိုဝ်းတို့ရှမ်းပြည်ရောက်သွားကြသည်ဟုဆို သည်။ ပအိုဝ်းတို့သည် သထုံခရိုင်ကို “ သထုံကြီး ” ဟုခေါ်ပြီး ရှမ်းပြည်တောင်ပိုင်းရှိ “ ဆီဆိုင် ” ကို “ သထုံကလေး ” ဟုခေါ်ကြသည်။ ယင်း နေရာ နှစ်ခုတို့တွင် ပအိုဝ်းများစွာ နေထိုင်လျက်ရှိနေကြသတဲ့။”

            ပအိုဝ်းတိုင်းရင်းသား ပေါက်ဖွားဆင်းသက်လာပုံသည် ဒဏ္ဍာရီလား၊ တကယ်လားဟူ၍စဉ်းစားစရာပင်ဖြစ်လေသည်။ ပအိုဝ်းတိုင်းရင်းသားပေါက်ဖွားလာပုံ ဒဏ္ဍာရီသည် မွန်ရာဇ၀င်နှင့် စေတီတော်များသမိုင်းစာအုပ်မှ အဆိုနှင့်လည်းဆင်နေ၏။ ဦးသော်ဇင်၏ မြန်မာပြည်ရောက်ဗုဒ္ဓဘာသာစာအုပ်မှ ဂ၀ံပတိရဟန္တာအကြောင်းနှင့်လည်း ဆင်နေ၏။ မွန်တို့သည် တောင်သူခေါ် ပအိုဝ်းလူမျိုး တို့ထက်စော၍ နေထိုင်ဖွယ်ရာရှိသည်ဟု သမိုင်းပညာရှင်များကဆိုသဖြင့် တောင်သူခေါ် ပအိုဝ်းလူမျိုးတို့သည် မွန်တို့နှင့်ရောနှော နေထိုင်ရာမှ မွန်လူမျိုးတို့၏ ရာဇ၀င် ကိုများ မှီးလေရော့သလားဟူ၍ တွေးတောဖွယ်ရာပင်ဖြစ်သည်။

            ပအိုဝ်းဘာသာဖြင့် ရေးသားထားသော လက်သမားအုပ်၏ “ သထုံဘုရားသမိုင်းနှင့် ရန်ကုန်ဘုရားသမိုင်း ” စာအုပ်တွင် -

            “ သုဝဏ္ဏဘူမ္မိ သထုံဒေသသည် လူနေထူထပ်သောဒေသဖြစ်ခဲ့သည်။ ထိုအချိန်က သုဝဏ္ဏဘူမ္မိ သထုံဒေသကိုအုပ်စိုးခဲ့သော သူရိယစန္ဒာမင်းသည်ဘုန်းတန်ခိုးအာဏာကြီးခဲ့သည်။ သူရိယစန္ဒာမင်းသည် ဆင်ဖြူတော် ၃၃ စီးကိုပိုင်ဆိုင်ခဲ့သည်။ သထုံတွင် ပအိုဝ်းမင်း ဆက်ပေါင်း ၃၈၄ ဆက်အုပ်ချုပ်ခဲ့သည်။ ပအိုဝ်းတို့သည် ဘိုးဘွားစဉ်ဆက်ကပင်သထုံဒေသကိုတည်ထောင်နေထိုင်ခဲ့ကြသည်။ ထိုကြောင့် ပအိုဝ်းဘိုးဘွားတို့သည် သထုံဒေသမှ မခွာချင်ကြပေ။ ပအိုဝ်းတိုင်းရင်းသားတို့သည် ယနေ့တိုင်အောင်သထုံမြို့တွင် နေထိုင်လျက်ရှိကြပေ သည်။ (ပအိုဝ်းဘာသာဖြင့် ရေးသားထားသော လက်သမားအုပ်၏ “ သထုံဘုရားသမိုင်းနှင့် ရန်ကုန်ဘုရားသမိုင်းစာအုပ်မှကောက်နုတ်ပြန်ဆို သည်။)

            သို့သော် ပအိုဝ်းဘာသာဖြင့် ရေးသားထားသော သထုံဘုရားသမိုင်းနှင့်ရန်ကုန်ဘုရားသမိုင်းအဆို၊ သောသုဝဏ္ဏပကာသနီကျမ်းအ ဆို၊ မွန်ရာဇ၀င်နှင့်စေတီတော်များသမိုင်းအဆို၊ မြန်မာပြည်ရောက်ဗုဒ္ဓဘာသာစာအုပ်အဆိုတို့မှာ အနည်းငယ်လောက်သာကွဲပြားမှုရှိသည်ကို တွေ့နိုင်၏။ မည်သို့ပင်ဆိုစေကာမူ ပအိုဝ်းတိုင်းရင်းသားတို့သည် မိမိတို့၏ ဖခင်မှာဝိဇ္ဇာဓိုရ်၊ အမိမှာ နဂါးမဟူ၍ ဘေး၊ ဘိုး၊ ဘီ၊ ဘင် လက်ထက်မှစ၍ ယနေ့တိုင်ယုံကြည်နေကြပေသည်။

မြန်မာနိုင်ငံတွင်းသို့ဝင်ရောက်လာခြင်း

            မြန်မာနိုင်ငံအတွင်းသို့ ၀င်ရောက်လာကြသည့် တိုင်းရင်းသားလူမျိုးများအနက် မွန်လူမျိုးသည် ရှေးအကျဆုံးဖြစ်ဖွယ်ရာရှိသည်။ မွန်တို့သည် တရုတ်ပြည်အနောက်ပိုင်းရှိ ကုန်းပြင်မြင့်များမှတောင်ဘက်သို့ဆင်းသက်လာကြပြီးလျှင် ဧရာဝတီမြစ်ဝ၊ စစ်တောင်းမြစ်ဝ၊ သံလွင်မြစ်ဝ၊ မဲနန်မြစ်ဝ၊ မဲခေါင်မြစ်ဝအရပ်ဒေသတို့၌ မြို့ရွာတည်ထောင်နေထိုင်ခဲ့ကြသည်။ မွန်လူမျိုးတို့၏ ရှေးအကျဆုံးမြို့တော်မှာ သုဝဏ္ဏဘုမ္မိသထုံဖြစ်၏။ ပဲခူး၊ ဟံသာဝတီတို့မှာ သထုံပြည်မှသွားရောက်၍နောက်မှတည်ထောင်သောမြို့ဖြစ်လေသည်။

            ဦးဘသန်း၏ ကျောင်းသုံးမြန်မာရာဇ၀င်၊ စာမျက်နှာ ၂၃ တွင် “ ဆာဂျွန်ဂျာဒင်းအလိုမှာ မွန်လူမျိုးတို့မြို့ပြတည်ထောင်ရန်အတွက် ရှိနှင့်ပြီးဖြစ်သောတောင်သူလူမျိုးတို့ကိုနှင်ထုတ်ရသည်ဟုဆိုသည်။ သထုံမြို့ကား ယခုအခါတောင်သူလူမျိုးတို့၏ အချက်အချာဒေသဖြစ် သည်။ သထုံရာဇ၀င်တွင် သထုံ၌တောင်သူပအူလူမျိုးမင်းများစိုးစံကြောင်းဆိုသည်။ တောင်သူလူမျိုးတို့သည် ရှေးကပုဂံနယ်၊ ယခုပခုက္ကူအ ပါ နယ်တွင်လည်းရှိကြသည်။ ဟုရေးသားဖော်ပြထားသည်ကိုတွေ့ရသည်။ ထို့ကြောင် ဆာဂျွန်ဂျာဒင်း၏အယူအဆကိုလက်ခံလျှင် တောင်သူခေါ် ပအိုဝ်းလူမျိုးတို့သည် မွန်တို့ထက်စော၍၀င်ရောက်လာကြသည်ဟူ၍ယူဆဖွယ်ရာဖြစ်လေသည်။

            ဗန်းမော်တင်အောင်၏ ကိုလိုနီခေတ်မြန်မာနိုင်ငံသမိုင်း၊ စာမျက်နှာ ၄၁ တွင် -

“ ရှေးဟောင်း မြန်မာနိုင်ငံအတွင်းသို့ မောင်းဂွတ်အနွယ်လူမျိုးအသီးသီးတို့ဝင်ရောက်လာကြသည့်အထဲတွင် ကရင်နှင့် ပအိုဝ်းလူမျိုးများ သည်ရှမ်းနှင့်မြန်မာလူမျိုးများထက်ရှေးကျ၍၀င်ရောက်နေထိုင်ခြင်းပြုခဲ့သည်ဟူ၍သမိုင်းပညာရှင်များကယုံကြည်ကြလေသည်။ သို့ရာတွင် မွန်လူမျိုးများထက်နောက်ကျသည်ဟုယူဆကြသည်။ ” ဟုဖော်ပြထား၏။

            ကမ္ဘာအေးအရှင်တိလောကသာရလေ့လာရေးသားသည့် “ ရှမ်းပြည်၊ ညောင်ရွှေ၊ တောင်ကြီးသမိုင်းများနှင့်တကွ သယံဇာတကမ္ဘာ့ တန်ဆာ မဟာပါသဏံမံတ၀လိုဏ်ဂူ စာအုပ်ငယ်တွင်လည်း “ တောင်ပိုင်းရှမ်းပြည်တွင်ယခုထင်ရှားထွန်းကားနေသာ ပအိုဝ်း (တောင်သူ) လူမျိုးနှင့်အင်းသားတို့က နောက်ပိုင်းကျမှဝင်ရောက်လာကြသူများဖြစ်ကြ၏။ ” ဟူ၍ရေးသားထားသည်ကိုတွေ့ရ၏။ ထို့ကြောင့် ဆာဂျွန်ဂျာ ဒင်း၏ အယူအဆကလွှဲလျှင်ပအိုဝ်းခေါ်တောင်သူလူမျိုးများသည် မွန်တို့ထက်နောက်ကျ၍၀င်ရောက်လာကြသည်ဟုပညာရှင်များကယူဆကြ လေသည်။

            တောင်သူခေါ် ပအိုဝ်းတိုင်းရင်းသားတို့သည် တရုတ်ကုန်းမြေဘက်မှ သံလွင်မြစ်ကြောင်းအတိုင်းတောင်ဘက်အရပ်ဒေသများသို့ တဖြည်းဖြည်းပြောင်းရွှေ့လာကြ၏။ ၆ ရာစုလောက်တွင် ရှမ်းကုန်းပြင်မြင့်တောင်ပိုင်းဖြစ်သော ယခုခေတ်ကရင်နီတောင်တန်းဒေသများတစ် ၀ိုက်တွင်အခြေချနေထိုင်ခြင်းပြုကြလေသည်။ ထိုမှတစ်ဖန်မြန်မာနိုင်ငံအတွင်းသို့အစုစုကွဲလွဲ၍ပြန့်နှံ့ဝင်ရောက်ခဲ့ကြပုံရလေသည်။ မူလက ကရင်လူမျိုးများသည် ကရင်နီတောင်တန်းဒေသ၊ သံလွင်ခရိုင်နှင့်ပဲခူးရိုးမတောင်များတစ်ဝိုက်တွင်နေထိုင်ကြဟန်ရှိ၏။ ပအိုဝ်းခေါ် တောင်သူ လူမျိုးများသည် ရှမ်းပြည်နယ်တောင်ပိုင်းနှင့် သထုံခရိုင်အတွင်း၌နေထိုင်ခဲ့ကြဟန်ရှိလေသည်။

            ဆာဂျော့စကော့ကမူ “ ကရင်၊ ပအိုဝ်း (တောင်သူ) နှင့် ရှမ်းတို့သည် တစ်မျိုးတစ်နွယ်တည်းဖြစ်ပြီး ရှမ်းလူမျိုးများထက်နှစ်ပေါင်း သုံးရာကျော်စော၍ မြန်မာနိုင်ငံအတွင်းသို့ဝင်ရောက်နေထိုင်ခဲ့ကြသည်။ ” ဟု ရေးသားဖော်ပြခဲ့သည်။ ဆာဂျော့စကော့၏အလိုမှာ ကရင်၊ တောင်သူ (ပအိုဝ်း)၊ ရှမ်းတို့သည်တစ်မျိုးတစ်နွယ်တည်းဖြစ်ကြောင်းဖြင့်ဆိုလေသည်။

            မည်သို့ဆိုစေကာမူ ပအိုဝ်းတိုင်းရင်းသားတို့သည် ၎င်းတို့၏မျိုးနွယ်စုများအလိုက် ရှေးဟောင်းစိုက်ပျိုးရေးကို အခြေခံကာသင်တင့် လျောက်ပတ်သောအဖွဲ့အစည်းကလေးများကိုထူထောင်ပြီး အေးအေးချမ်းချမ်းနေထိုင်ခဲ့ကြဟန်ရှိလေသည်။ ၎င်းတို့သည်မြန်မာနိုင်ငံ မြေညီ မြစ်ဝှမ်းအရပ်ဒေသများကိုသူ့ထက်ငါလုယက်တိုက်လျက်ရှိနေခဲ့ကြသော ပျူ၊ မွန်နှင့်မြန်မာလူမျိုးများကြောင့်တောတောင်များအတွင်းနေထိုင် ခဲ့ကြပြီးလျှင်စိုက်ပျိုးရေးကုန်ထုတ်လုပ်ငန်းဖြင့်အသက်မွေးခဲ့ကြပုံရလေသည်။ တောင်သူခေါ် ပအိုဝ်းတိုင်းရင်းသားတို့သည်တောတောင်များ တွင် တောင်ယာစိုက်ပျိုးရေးလုပ်ငန်းဖြင့် အသက်မွေးကြသောကြောင့် တောင်သူဟုခေါ်ခဲ့ကြခြင်းဖြစ်ရာသည်။

ပအိုဝ်းနှင့် ကရင်

            မေဂျာ အင်ရီကွိဇ် (Major Enrequeeze) ပြုစုသည့် “ မြန်မာနိုင်ငံလူမျိုးများအကြောင်း ” စာအုပ်တွင် ကရင်သည် ထိုင်းတရုတ်အ နွယ်မှဆင်းသက်လာသည်ဟုရေးသားထားသည်။ ယိုးဒယားနွယ်သော ထိုင်းတရုတ်အုပ်စုတွင် ကရင်အုပ်စု၊ ရှမ်းအုပ်စုနှင့် အခြားအစုငယ် လေးများပါဝင်သည်။ ကရင်အစုတွင် ပါဝင်သောထိုလူမျိုးများမှာ -

            (၁)        လူမျိုးသီးခြားဖော်ပြထားသော ကရင်၊

            (၂)        စကောကရင်၊

            (၃)        ပိုးကရင်၊

            (၄)        တောင်သူ၊

            (၅)        ပကူး၊

            (၆)        မိုးနဲပွား၊

            (၇)        ဘွဲ့၊

            (၈)        ကရင်ဖြူ၊

            (၉)        ပဒေါင်၊

            (၁၀)      ကရင်နီ၊

            (၁၁)      ဂဲခို တို့ဖြစ်ကြသည်။

            ဆာဂျေ ဂျော့စကာ့ကလည်း “ ပအိုဝ်းခေါ်တောင်သူတို့၏ စာပေသည် အဓိကအားဖြင့်ကရင်ဖြစ်သော်လည်းသွေးသားအားဖြင့် ပြောရမည်ဆိုလျှင် ကရင်မြန်မာနှင့် ရှမ်းသွေးများရောနှောလျက်ရှိသည် ” ဟုဆိုခဲ့သည်။

            ၁၉၇၂ ခု၊ ဖေဖော်ဝါရီလ ၁၄ ရက်နေ့ထုတ် လုပ်သားပြည်သူ့နေ့စဉ်သတင်းစာတွင် ဆောင်းပါးရှင်ဆင်တိုင်းက “ သွေးချင်းအသီး သီးရင်းနှီးချစ်ကြည် ” ဆောင်းပါးတွင် “ ၁၉၂၄ ခုနှစ်၊ သန်းခေါင်စာရင်းအရ ပအိုဝ်းတိုင်းရင်းသားများကို ကရင်တိုင်းရင်းသားအုပ်စုတွင် ယာယီအားဖြင့်ထည့်သွင်းဖော်ပြထားသည်”ကိုတွေ့ရပေသည်။ ဤသို့ထည့်သွင်းရခြင်းမှာ ဒိုင်အာခီအုပ်ချုပ်ရေးအရ မင်းတိုင်ပင်အမတ်များ ကို လူမျိုးအလိုက် သီးခြားရွေးချယ်နိုင်ခွင့်ရရှိရန်ပြဌာန်းထားရာတွင် ကရင်တိုင်းရင်းသားဦးရေက နည်းနေသဖြင့် ကရင်ခေါင်းဆောင်များ၏ ပန်ကြားချက်ကို ပအိုဝ်းတို့ကလက်ခံသဘောတူညီခဲ့ခြင်းဖြစ်ကြောင်းသိရှိရလေသည်။ ထို့ကြောင့် ပအိုဝ်းကိုကရင်ဟူ၍လည်းကောင်း၊ ပိုး (ပအိုဝ်း)ဟူ၍လည်းကောင်း မှတ်ယူလာခဲ့ကြသည်ဟု ” ဖော်ပြထားလေသည်။

            ကရင်လူမျိုး အထူးစုံစမ်းရေးကော်မရှင်အဖွဲ့၏ အစီရင်ခံစာ ၁၉၅၀ ပြည့်နှစ်တွင် ပအိုဝ်းလူမျိုးနှင့်ပတ်သက်၍ “ မူလက ကရင်အ နွယ်ဝင်များဖြစ်ကြသော်လည်း ကရင်လူမျိုးအထူးစုံစမ်းရေးကော်မရှင်အဖွဲ့က ကရင်လူမျိုးဆိုသောစာရင်းတွင်ထည့်သွင်းခြင်းမပြုရန် ဆုံးဖြတ် ခဲ့ပြီးဖြစ်သည်။ ကိုယ့်အစုနှင့်ကိုယ်စုစုဝေးဝေးနေထိုင်လျက်ရှိပြီး လူဦးရေအလုံအလောက်ရှိသဖြင့် သီးခြားသတ်မှတ်သင့်သည်ဟုဖော်ပြထား လေသည်။

            တိုင်းရင်းသားရိုးရာယဉ်ကျေးမှုဓလေ့ထုံစံများ (ကရင်)တွင် “ ပအိုဝ်းသည်ကရင်အနွယ်စုဖြစ်ပြီး ကရင်သည် ထိုင်းတရုတ်အုပ်စုမှ ဆင်းသက်လာသည် ” ဟုရေးသားဖော်ပြထားသည်။

            ပြည်ထောင်စုဖွားတိုင်းရင်းသားလူမျိုးများ (ငါန်းဇွန်မောင်ကြင်ဟန်) ဆောင်းပါးတွင် “ကရင်လူမျိုးအုပ်စုငယ်တွင် စကောကရင်၊ ပိုးကရင်၊ ပတူကရင်၊ မိုးနဲပွားကရင်၊ ဘွဲ့ကရင်၊ ပအိုဝ်း (တောင်သူ) ကရင်များပါဝင်သည် ” ဟုရေးသားဖော်ပြထား၏။

            ဆရာကြီးဦးဖေမောင်တင်၏ ဘာသာလောကကျမ်း စာမျက်နှာ ၁၃ တွင် “ မြန်မာပြည်၌ ကရင်ဘာသာပြောဆိုသူတို့သည် အရေ အတွက်အားဖြင့် မြန်မာလူမျိုးတို့မှအပအများဆုံးဖြစ်၏။ ယိုးဒယားပြည်မှာလည်းရှိကြ၏။ ကရင်လူမျိုးများအနက် အများအားဖြင့် စကောနှင့် ပိုးတို့သည် လွင်ပြင်များ၌နေကြ၏။ တောင်တန်းကရင်များအနက် တောင်သူတို့သည် ဦးရေအများဆုံးဖြစ်၏။ မိမိတို့ကိုပအိုဝ်းဟုခေါ်၍ ရှမ်း ပြည်တောင်ပိုင်းနှင့် သထုံစီရင်စုတွင်များစွာနေထိုင်ကြ၏။ ” ရေးသားထားလေသည်။ ဦးဖေမောင်တင်က တောင်သူကိုတောင်တန်းကရင်ဟု ခေါ်၏။ ဦးဖေမောင်တင်၏အဆိုအရလည်းတောင်တန်းကရင်ခေါ် ပအိုဝ်းလူမျိုးတို့သည် ကရင်အုပ်စု၌ပါဝင်ကြောင်းဖြင့်ယူဆလေသည်။

            ဒေါက်တာသန်းထွန်းကလည်းသူ၏ခေတ်ဟောင်းမြန်မာရာဇ၀င်တွင် “ ပုဂံကျောက်စာများ၌ ကရင်နွယ်ဟုယူဆရန်ရှိသည့် တောင်သူ ဟူသောအမည်ကိုလည်းတွေ့ရတတ်ပါသည်။ ယခုတောင်သူကား တောင်တန်းတစ်လျှောက်၌ယာလုပ်သူများဖြစ်ကြ၏။ ကျောက်စာတစ်ခု၌ ကရင်တန်မိပြောက် ( မြန်မာတိုင်းရင်းသားကျောက်စာ၊ စာအုပ် ၃၊ ဓါတ်ပုံ ၃၀၉၊ စာကြောင်း ၃၄ ) ဟုတွေ့ရဖူးသည်။ မြန်မာနိုင်ငံ၌ ယခုအခါ ကရင်စကားပြောသူအရေအတွက်မှာ မြန်မာစကားပြောသူနှင့်စာလျှင်ဒုတိယလိုက်၏။ ကရင်မျိုးခွဲတွင် စကောနှင့်ပိုးတို့ကလွင်ပြင်များ၌နေကြ၏။ တောင်တန်းကရင်တွင်ဦးရေအများဆုံးကား “ တောင်သူ ” ဖြစ်၏။ ပအိုဝ်းအမည်ခံကာ ရှမ်းပြည်တောင်ပိုင်းနှင့် သထုံခရိုင်တွင်အများအပြားနေကြသည်။ ၁၄* ” ဟူ၍ရေးသားထားလေသည်။

            ၁၉၃၅ ခုနှစ်၊ မြန်မာပြည်စီရင်အုပ်ချုပ်မှုအက်ဥပဒေအရ၊ ၁၉၃၆ ခုနှစ်၊ မေလ ၆ ရက်နေ့စွဲပါဘုရင်ခံမင်းကြီး၏ကြေငြာချက်တွင် လူမျိုး ၁ မျိုးကို ကရင်လူမျိုး (သို့မဟုတ်) တောင်သူလူမျိုးဟူ၍အက်ဥပဒေ၏ တတိယနှင့် စတုတ္ထဇယားအလို့ငှားခွဲခြားဖော်ပြခဲ့သည်။

            ဒေသအလိုက်ကွဲပြားခြားနားနေသောမျက်မှောက်ကရင်ဘာသာစကား၏မူရင်းကရင်ဘာသာစကားတိုးတက်လာပုံကို ကော်နယ် တက္ကသိုလ် ( Cornal University ) မှ ရောဘတ်ဂီဂျုန်းက သုတေသနပြုခဲ့သည်။ ရောဘတ်ဘီဂျုန်းက ကရင်ဘာသာစကား တိုးတက်လာပုံ ကို ကဏ္ဍဌာန် (လည်ချောင်းအရပ်၌ဖြစ်သောအသံ) စာတမ်းတွင်အောက်ပါအတိုင်းဖော်ပြထားသည်။

            ကရင်ဘ၀ဓလေ့စာအုပ် စာမျက်နှာ ၂၂-၂၃ တွင် “ အထူးသဖြင့် ၁၉၃၅ ခုနှစ်၊ မြန်မာပြည်စီရင်အုပ်ချုပ်မှုအက်ဥပဒေအရ ၁၉၃၆ ခုနှစ်၊ မေလ ၆ ရက်နေ့စွဲပါဘုရင်ခံမင်းကြီး၏ကြေညာချက်တွင်ကရင်လူမျိုး ၁၁ မျိုးတွင် ပအိုဝ်းလူမျိုးကိုတောင်သူကရင်ဟုလည်းကောင်း၊ ၁၉၃၁ ခုနှစ်၊ မြန်မာပြည်လူဦးရေသန်းခေါင်စာရင်းအစီရင်ခံစာစာရင်းချုပ် ၁၇၊ စာရင်းအပိုဒ် ၂၊ စာမျက်နှာ ၂၄၄ တွင် ကရင်လူမျိုး ၁၇ မျိုး၌ လည်း တောင်သူဟုလည်းကောင်းခွဲပြထားသည်ကိုတွေ့ရပေသည်။

            ဦးမင်းနိုင်၏ တို့တိုင်းရင်းဘွားပြည်ထောင်စုသားစာအုပ်စာမျက်နှာ ၁၇ တွင် “တောင်သူ” ကို အချို့က “ပအိုဝ်း” ဟူ၍ခေါ်ဆိုကြပေ သည်။ ရှမ်းပြည်တွင်တောင်သူနှင့်ပအိုဝ်းနှစ်ခုစလုံးပင်အများခေါ်ဝေါ်သုံးစွဲလျက်ရှိကြပေသည်။ ပအိုဝ်း (တောင်သူ) တို့သည် တောင်ပေါ် ကရင်အုပ်စုတွင်ပါဝင်ကြပေသည် ” ဟုဖော်ပြထားလေသည်။

            ပအိုဝ်းတို့သည်ကရင်အုပ်စုဝင်မျိုးကွဲတစ်ခုဖြစ်သည်နှင့်အညီများစွာသောဘာသာစကားတို့သည် ဆင်တူသည်ကိုအောက်ပါဇယား တွင်လေ့လာနိုင်ပေသည်။ ဘာသာစကားတို့ဆင်တူနေသော်လည်း ဓလေ့စရိုက်များမှာခြားနားကြပေသည်။ အချို့စကားလုံးများတူညီသော် လည်း အချို့မှာဆက်စပ်၍မရအောင်ခြားနားကြလေသည်။

မြန်မာဘာသာ	ကရင်ဘာသာ	ပအိုဝ်းဘာသာ
သေးသေးငယ်ငယ်	ပီပီ	ပေပေ
ဝက်သား	ထော့ညာ၊ တို့ရာ	ထော့ရာ
မိန်းကလေး (အပျိုမ)	မူးနော်၊ မူးနန်း	မူနမ်
စားသည်	အော၊ အောင်း	အမ်
ရေ	ထီ	ထီ
ရေသောက်သည်	အော့ထီ	အွထီ၊ အောက်ထီ
အဖေ၊ အမေ	အပါး၊ အမိုး	ဖာ၊ မိုး

            ပအိုဝ်းဝါကျ တည်ဆောက်ပုံလည်းကရင်နှင့်တူ၏။ မြန်မာနှင့်မူခြားနားသည်။ အောက်ပါပုံစံတွင် လေ့လာကြည့်ပါ။

ဘာသာ	ကတ္တားပုဒ်	ကြိယာပုဒ်	ကံပုဒ်
မြန်မာ	ကျွန်တော်သည်	စားသည်	ထမင်း
ကရင်	ယာ	အောင်း	မေ
ပအိုဝ်း	ခွေ	အမ်	ဒျဉ်

            ရောဘတ်ဘီဂျုန်း၏ ဘာသာစကားသုတေသနပြုချက်ကိုကြည့်ပါကလည်း တောင်သူခေါ် ပအိုဝ်းလူမျိုးသည်ကရင်လူမျိုးအုပ်စုတွင် ပါဝင်နေကြောင်းတွေ့ရပေသည်။

            ကရင်လူမျိုးနှင့် ပအိုဝ်းလူမျိုးတို့သည် ရှေးကညီရင်းအစ်ကိုများဖြစ်ခဲ့ကြောင်းဖြင့်ပုံပြင်ရှိလေသည်။ ထိုပုံပြင်မှာ -

            “ ရှေးကပအိုဝ်းနှင့်ကရင်လူမျိုးတို့သည် ညီရင်းအစ်ကိုများဖြစ်ကြပြီး အတူတကွနေထိုင်စားသောက်ကြသည်။ ထို့ကြောင့်အမဲလိုက် ၍ရရှိသောအမဲသားငါးများကိုလည်းအညီအမျှဝေငှစားသောက်ခဲ့ကြသည်။

            တစ်ခါသော်ပအိုဝ်းအမျိုးသားတောလိုက်ရာဆင်တစ်ကောင်ကိုရ၏။ ပအိုဝ်းအမျိုးသားကဆင်၏အသားကိုကရင်လူမျိုးတို့အား အညီအမျှဝေငှပေးလေသည်။ နောက်တစ်ရက်တွင် ကရင်လူမျိုးတို့က ဖြူကောင်ကိုရ၏။ ကရင်လူမျိုးတို့ကဖြူကောင်၏အသားကိုပအိုဝ်းလူ မျိုးတို့အားအညီအမျှပင်ဝေငှပေးလေသည်။ သို့သော်ပအိုဝ်းလူမျိုးတို့က ဖြူကောင်၏အမွေးကိုမြင်သွား၏။ ထိုအခါပအိုဝ်းလူမျိုးတို့က ဖြူကောင်၏အမွေးကြီးလျှင်အကောင်လည်းကြီးလိမ့်မည်ဟုထင်၏။ ထို့ကြောင့်ဖြူကောင်၏အမွေးကြီးလျက်နှင့်ငါတို့အားဝေငှသောဖြူသား မှာ နည်းလွန်းလှသည်။ ကရင်လူမျိုးတို့ငါတို့အပေါ်အကောက်ကြံရက်ပေသည်ဟုအထင်မှားသွား၏။ ထိုအချိန်မှစ၍ ပအိုဝ်းလူမျိုးတို့သည် ကရင်လူမျိုးတို့ထံမှခွဲထွက်သွားသောဟူ၏။”

            ဤသို့ပအိုဝ်းလူမျီုးတို့ခွဲထွက်သွားသည်ကို အကြောင်းပြု၍ ကရင်လူမျိုးတို့ကပအိုဝ်းလူမျိုးတို့အား ကရင်ဘာသာဖြင့် “ တအော် သူ” ဟုခေါ်ကြောင်းဖြင့်ပြောဆိုကြ၏။ “ တအော်သူ” ဟူသောကရင်စကားမှာဖြူးသားမစားသော လူမျိုး၊ စိတ်နာခြင်း၊ အော့ခြင်း ဟုအဓိပ္ပာယ် ရ၏။ ကာလရွေ့လျားလာသောအခါ တအော်သူမှတော်သူ၊ တော်သူမှ တောင်သူဖြစ်လာသည်ဟုဆိုလေသည်။ “ ကရင်ပြည်နယ်ရှိ ကရင်လူ မျိုးများကလည်းပအိုဝ်းလူမျိုးတို့သည် တစ်ချိန်က မိမိတို့၏ဆွေရင်းညီအစ်ကို ” ဟုယနေ့တိုင်အောင်ပြောဆိုနေကြပေသည်။

            ၁၉၂၁ ခုနှစ်၊ သန်းခေါင်စာရင်းအရ ပအိုဝ်းလူမျိုးကို ပိုးကရင်အုပ်စုတွင် ထည့်သွင်းရေတွက်ခဲ့၏။ ပိုးကရင်အုပ်စု၊ မွန်ကရင်အုပ်စု၊ ပအိုဝ်းတောင်သူအုပ်စုနှင့် မိုပွာအစုဟူ၍ခွဲခြားထားလေသည်။ ကရင်ဘ၀ဓလေ့စာအုပ်တွင် ၁၉၃၅ ခုနှစ်၊ မြန်မာပြည်စီရင်အုပ်ချုပ်မှုဥပဒေအရ ၁၉၃၆ ခုနှစ်၊ မေလ ၆ ရက်နေ့စွဲဖြင့် ကြေညာသောဘုရင်ခံမင်းကြီး၏ ကရင်လူမျိုး ၁၀ မျိုးပြန်တမ်းတွင် ပအိုဝ်းတိုင်းရင်းသားများကို တောင်သူကရင်ဟူ၍ ထည့်သွင်းကြေညာခဲ့သည်။

            ၀ီလီယန်ဒန်းဟက်ကက်၏ ( William Dunn Hackett’s ) “ The Pa-O  People  of  The  Shan  State  Union  of  Burma, A  Socialogical  and  Ethnographic  Study  of  The  Pa-O  (Taungthu) People.” စာအုပ်တွင် “ ၁၉၀၁ ခုနှစ်မှ ၁၉၃၁ခုနှစ်အထိ သန်းခေါင်စာရင်းအရ ပအိုဝ်းတို့သည် တတိယအကြီးဆုံး ကရင်လူမျိုးစုကြီးဖြစ်သည်။ အာဏာပိုင်များကပအိုဝ်းတို့ကို ပိုးကရင်နှင့်တစ်တန်း တစ်စားတည်းထားသည်ကိုသဘောကျကြသည်။ ကရင်နှင့် ပတ်သက်သော စာအုပ်တိုင်းတွင်တောင်သူ (ပအိုဝ်း) ကိုညွှန်းထားခြင်းများပါလေ့ ရှိသည်။ ပအိုဝ်းနှင့် ပတ်သက်သောယဉ်ကျေးမှုအထောက်အထားပစ္စည်းများမှာ အလွန်ရှားလှသည်။ ဘာသာစကားကိုလေ့လာလျှင် ပအိုဝ်း ဘာသာစကားသည် ပိုးကရင်ဘာသာစကားဖြစ်သည်ဆိုသည်မှာ သံသယဖြစ်စရာပင်ဖြစ်သည် ” ဟုရေးသားဖော်ပြထား၏။

            ၁၉၃၆ ခုနှစ်တိုင်အောင် ပအိုဝ်းလူမျိုးသည်ကရင်လူမျိုးနွယ်စုတွင်ပါဝင်နေသေးသည်ကိုတွေ့ရ၏။ ပအိုဝ်းလူမျိုးစုကိုကရင်မျိုးနွယ်စု တွင်ထည့်သွင်းပြီးကရင်လူမျိုးအခွင့်အရေးအတိုင်းခံစားခွင့်ပြုစေသည်။ ဥပမာ-လူမျိုးစုအမတ် တင်မြှောက်ရာတွင် ပအိုဝ်းလူမျိုးအမတ်ကို ကရင်လူမျိုးအမတ်အဖြစ်အသိအမှတ်ပြုခဲ့သည်။ ၁၉၃၉ ခုနှစ်တစ်ဝိုက်တွင် ကရင်လူမျိုးစုအမတ်ဖြစ်သော သထုံဦးလှဖေမှာ ပအိုဝ်းလူမျိုးဖြစ် ၏။ ဤသည်ကားအင်္ဂလိပ်အစိုးရ၏ ကောက်ကျစ်မှုပင်ဖြစ်လေသည်။

            ပြည့်သူလွှတ်တော် ပါလီမန်အမတ်ရွေးကောက်ပွဲအက်ဥပဒေနှင့် နည်းဥပဒေများကိုရေးဆွဲသောအခါအားလုံးညီညွတ်မှုရှိစေရန် ပြည်သူ့ကိုယ်စားလှယ်များပါဝင်သော ရွေးကောက်ပွဲဥပဒေအကြံပေးအဖွဲ့တစ်ဖွဲ့ကိုဖွဲ့စည်းခဲ့လေသည်။ ထိုဥပဒေအကြံပေးအဖွဲ့ဖွဲ့စည်း သော အစည်းအဝေးတွင် ကရင်ကောင်စီကိုယ်စားလှယ် စောအောင်ပ ပအိုဝ်းနှင့်ကရင်နီတိုင်းရင်းသားကို ၁၉၃၅ ခုနှစ်၊ မြန်မာနိုင်ငံအက်ဥပ ဒေ အရ၊ ကရင်အုပ်စုတွင် ထည့်သွင်းထား၏။ ကရင်အမျိုးသားကိုယ်စားလှယ် ရွေးချယ်ရာတွင်လည်းပအိုဝ်းနှင့် ကရင်နီတိုင်းရင်းသားများပါ ၀င်သင့်ကြောင်းတင်ပြခဲ့လေသည်။

            သို့သော် ထိုအစည်းအဝေးတွင် အဖွဲ့ဝင်ရွေးကောက်ပွဲမင်းကြီး ဦးကျော်က ၁၉၃၅ ခုနှစ်အက်ဥပဒေရည်ရွယ်ချက်များနှင့် လူမျိုးရေး သမိုင်းစဉ်ကိုပါ တင်ပြဆွေးနွေးသွား၏။ မြန်မာ့သမိုင်းစဉ်အရ ပအိုဝ်းတောင်သူနှင့် ကရင်နီလူမျိုးတို့ကို သီးခြားလူမျိုးအဖြစ် အိသအမှတ်ပြု ထားသဖြင့် အခြေခံဥပဒေပုဒ်မ ၈၃ ၏ ရည်ရွယ်ချက်အတိုင်း ကရင်လူမျိုးစုတွင် မထည့်သွင်းသင့်ကြောင်းဖြင့်ဆုံးဖြတ်ခဲ့သည်။

            မြန်မာ့စွယ်စုံကျမ်း အတွဲ ၁၊ စာမျက်နှာ ၉၄ တွင် “ ကရင်တို့တွင် တောင်ပေါ်ကရင်၊ ကွင်းကရင်ဟုနှစ်မျိုးခွဲခြားနိုင်သည်။ ကွင်းကရင် တို့တွင် စကော (ငါးသိန်းကျော်)၊ ပိုး (ငါးသိန်းမျှ)၊ နှင့် ပအိုဝ်းခေါ် တောင်သူထက်ဝက် (တစ်သိန်းမျှ) တို့ပါဝင်သည် ” ဟုရေးသားဖော်ပြ ထားပေသည်။

            မြန်မာ့စွယ်စုံကျမ်း အတွဲ ၆၊ စာမျက်နှာ ၂၇၈ တွင်လည်း “ ပအိုဝ်းလူမျိုးတို့သည် ကရင်အနွယ်ဖြစ်သော လူမျိုးတစ်မျိုးဖြစ်သည်။ တောင်ပေါ်ကရင်၊ ကွင်းကရင် နှစ်မျိုးလုံးသည် ထက်ဝက်စီခန့် ပါဝင်သည်။ သို့သော်မူလကတောင်ပေါ်၌ အနေများသော လူမျိုးများဖြစ်၍ လည်း တောင်သူဟူ၍ခေါ်ဝေါ်ဟန်ရှိသည်။ ကရင်လူမျိုးတို့သည် အမျိုးအလိုက်မိမိတို့ကိုယ်ကိုခေါ်ဝေါ်သောအမည်များရှိကြသည်။ ပုံစံအား ဖြင့် ကရင်နီတို့သည် မိမိကိုယ်ကိုကယားဟုခေါ်ကြသည်။ ပအိုဝ်းဟူသောအမည်သည်လည်း အမျိုးအလိုက်ခေါ်ဝေါ်သောအမည်ပင်ဖြစ် သည်။ ပအိုဝ်းတို့သည် ကရင်မျိုးတို့တွင်လူဦးရေအားဖြင့် တတိယအများဆုံးဖြစ်သည် ” ဟုဖော်ပြထားသည်။

            ၀ီလီယန်ဒန်းဟက်ကတ်ကလည်း “ ပအိုဝ်းတိုင်းရင်းသားတို့ပြောဆိုသောစကားမှာ ကရင်တိုင်းရင်းသားများပြောဆိုသောစကားနှင့် ဆက်သွယ်မှုရှိ၏။ လူမျိုးချင်းလည်းဆက်စပ်မှုရှိကာ၊ မြန်မာပြည်တွင်းသို့ အတူတူဆင်းသက်ခဲ့မည် ” ဟုယူဆလေသည်။ ပညာရှင်အသီးသီး နှင့်စာအုပ်အသီးသီးတို့၏ ရေးသားဖော်ပြချက်ကိုကြည့်လျှင်ပအိုဝ်းနှင့် ကရင်သည်မူလကလူတစ်မျိုးတည်းဟုဆိုဖွယ်ရာပင်ဖြစ်လေသည်။

            ပအိုဝ်းတိုင်းရင်းသားတို့သည် ရှေးနှစ်ပေါင်းများစွာကပင် မြန်မာနိုင်ငံတွင် တိုင်းရင်းသားလူမျိုးတစ်မျိုးအဖြစ်နေထိုင်လာခဲ့သည်မှာ အထင်အရှားဖြစ်၏။ ယခုထိတိုင်ကိုယ်ပိုင်ယဉ်ကျေးမှုနှင့်ဓလေ့ထုံးစံ၊ ဘာသာစကားသီးခြားစွာရှိနေပေသည်။

            ပအိုဝ်း၊ ကရင်၊ မွန်လူမျိုးတို့သည် သုကဏ္ဏဘုမ္မိ သထုံနယ်တွင် တစ်ဦးနှင့်တစ်ဦးအလွန်နီးကပ်စွာ အေးအတူပူအမျှ စည်းလုံးညီ ညွတ်စွာ နေထိုင်ခဲ့ကြကြောင်း သမိုင်းအရသိရှိနိုင်ပေသည်။ ပအိုဝ်းတိုင်းရင်းသားစကားများနှင့် ကရင်တိုင်းရင်းသားစကားအချို့တူညီနေကြ ခြင်းမှာလည်း အတူတကွနေထိုင်ကြရာမှ ကရင်စကားအချို့ကိုပအိုဝ်းတို့က ကောက်ယူမွေးစားခြင်းမျိုးလည်းဖြစ်နိုင်ပါသည်။

            ပအိုဝ်းတိုင်းရင်းသား စာဆိုတော်ဖြစ်သော ပင်စုံဆရာတော်က ပအိုဝ်းဘာသာဖြင့်သုဝဏ္ဏပကာသနီကျမ်းတွင် ပအိုဝ်းတိုင်းရင်းသား တို့သည် ကိုယ့်ထီးကိုယ့်နန်း ကိုယ့်ကြငှန်းဖြင့် အခြေစိုက်ခဲ့သည်ဟုဖော်ပြရေးသားထား၏။

            ဇမ္ဗူတံဆိပ်ကျမ်းကလည်း မြန်မာ ၇ မျိုးထဲတွင် “ သက်နှင့် ရခိုင်၊ နှိုင်းပြိုင်တောင်သူ၊ ပျူကမ်းယံရော၊ ထားဝယ်နှောက၊ မျိုးသတ္တ ” ဟု ဖော်ပြထား၏။ သုတေသနသရုပ်ပြအဘိဓာန် (စာမျက်နှာ ၄၆၆) တွင် မြန်မာခုနှစ်မျိုးတွင်ပါဝင်ကြောင်းဖော်ပြထား၏။

            ဦးဖိုးမြစ်၏ လောကဟိတရာသီကျမ်း (စာမျက်နှာ ၂၈၂) တွင် မြန်မာခုနှစ်မျိုးကို မြန်မာ၊ ပျူ၊ တောင်သူ၊ ကမ်းယံ၊ ယော၊ ရခိုင်၊ ထားဝယ် ဟုဖော်ပြထား၏။

            ခင်မောင်ဖြူ (ယဉ်ကျေးမှု) ကလည်း ရှေ့သို့စာစောင်တွင် ပအိုဝ်းတို့ကားတရုတ်ထိုင်းအနွယ်ဝင်များဟု အကဲဖြတ်သတ်မှတ်ခဲ့ကြ သည်။ သတ်မှတ်ပုံမှာ (တရုတ်ထိုင်း သို့မဟုတ် ထိုင်းတရုတ်) ယိုးဒယားနွယ်သော တရုတ်အုပ်စုတွင် (က) ကရင်အုပ်စုခွဲနှင့် (ခ) ရှမ်းအုပ်စု ဟူ၍ကွဲပြားခဲ့သည်။ ကရင်အုပ်စုခွဲ၌စကော၊ ပကူ၊ ဘွဲ့၊ တောင်သူ (ပအိုဝ်း)၊ ကရင်ဖြူ၊ ပိုး၊ ကယား (ကရင်နီ)၊ ပဒေါင်၊ ယင်းဘော်၊ ဇယိမ်၊ ဗရဲ၊ ယင်းတလဲ၊ ကဲခို၊ ကဲဗာ စသည့်လူမျိုးစုများပါဝင်ကြသည်။ ပအိုဝ်း (တောင်သူ) တို့သည် ရှေးအခါကတည်းကပင် မြန်မာတို့နှင့် အဆက်အ သွယ်ရှိခဲ့ကြသည်။ ရှေးဟောင်း ပုဂံကျောက်စာတို့တွင် “ တောင်သူ ” ဟုဖော်ပြရေးထိုးခဲ့ကြသည် ဟုဖော်ပြထား၏။

            ပုဂံမြို့၊ မင်းနန်သူရွာရှိ လေးမျက်နှာဘုရား တံတိုင်းအတွင်းတွင် ကျောက်စာဂူရှိ၏။ ထိုကျောက်စာကို သက္ကရာဇ် ၅၈၅ ခုတွင်ရေးထိုး ခဲ့၏။ ထိုကျောက်စာဂူ တောင်ဘက်ကျောက်တိုင်ကြီးအရှေ့မျက်နှာ၌ မင်းအနန္တသူကျောက်စာ (ခေါ်) လေးမျက်နှာဘုရား ကျောက်စာရှိ၏။ ထိုကျောက်စာသည် မင်းအနန္တသူနှင့် မိဖုရားတို့၏ ကုသိုလ်ကောင်းမှုကိုရေးထိုးမှတ်တမ်းတင်ထားသော ကျောက်စာဖြစ်၏။ ထိုကျောက်စာ တွင် ကျွန်များ၏စာရင်းကိုလည်းဖော်ပြထားရာ ကြောင်းရေ ၄၃ တွင် “ က္မအိုအိ (ပ) အိုဝ်အိုဝ်ထိန် ၁ ” ဟုဖော်ပြထား၏။ ထိုကျောက်စာမှာ သက္ကရာဇ် ၅၈၅ ခုနှစ်တွင်ရေးထိုးသော ကျောက်စာဖြစ်၏။ ကျွန်စာရင်းတွင် “ ပအိုဝ်အိုဝ်ထိန် ” ဟုပါရှိသဖြင့် ပအိုဝ်းလူမျိုးကျွန်သည် အိုးလုပ် ငန်းကို လုပ်ရဟန်တူ၏။ ဤကျောက်စာတွင် ပအိုဝ်းလူမျိုးကို သက္ကရာဇ် ၅၈၅ ခုကတည်းကပင် တွေ့နေရသည်။ ထိုအချိန်ကပင် ပအိုဝ်းလူမျိုး ရှိနေပြီဟုသိနိုင်၏။

            သက္ကရာဇ် ၆၃၈ ခုနှစ်၊ တန်ခူးလဆုတ် ၅ ရက် ( ၄ ဧပြီ၊ ၁၂၇၆) တွင်ရေးထိုးသည့် ပုဂံအရှေ့ဖွားစောရွာ ဖေယပွတ် ဘုရားကျောက်စာ တွင် “ ငပြည့်ညီသား ငကတူး ၁၊ ငစကြော ၁၊ ငတောင်သူ ၁ ” ဟု ပါရှိလေသည်။ ကျောက်စာအရ ငပြည့်ညီသည် မြန်မာ လူမျိုးဖြစ်သည်။ ငပြည့်ညီ၏အိမ်တွင် မြန်မာ၊ ကတူး၊ ကရင်၊ တောင်သူလူမျိုးတို့တစ်အိမ်တည်း၌ စည်းလုံးညီညွတ်စွာ နေထိုင်ခဲ့ကြသည်ကို တွေ့ရပေသည်။ အထက်ပါ အထောက်အထားများကို ကြည့်လျှင်တောင်သူဟုခေါ်သော ပအိုဝ်းတိုင်းရင်းသားတို့သည် ပုဂံခေတ်ကပင် “ တောင်သူ ” ဟူ၍လည်းကောင်း၊ “ ပအိုဝ်း ” ဟူ၍လည်းကောင်းအမည်ခံကာ သီးခြားလူမျိုးအဖြစ်ရှိခဲ့ပြီး၊ အခြားတိုင်းရင်းသားများနှင့် စည်းလုံး ညီညွတ်စွာနေ ထိုင်ခဲ့ကြသည်ကို သိရတွေ့ရပေသည်။

            ကျောင်းသုံး ပဉ္စမတန်းမြန်မာနိုင်ငံသမိုင်း၊ စာမျက်နှာ ၅ တွင်လည်း ပုဂံခေတ် မြန်မာနိုင်ငံကို ပျူ၊ မွန်၊ ပလောင်၊ ကရင်၊ တောင်သူ၊ သက်၊ ကဒူး၊ ကချင်၊ ချင်း၊ ရခိုင်၊ မြန်မာ၊ ရှမ်း စသောတိုင်းရင်းသားတစ်ရပ်လုံး စည်းလုံးညီညွတ်စွာစုပေါင်းတည်ထောင်ခဲ့ကြသည်ဟု ဖော်ပြ ထားသည်။ ထို့ကြောင့် တိုင်းရင်းသားပေါင်းစုံ ပုဂံပြည်ကိုတည်ထောင်ရာတွင် တောင်သူခေါ် ပအိုဝ်းတိုင်းရင်းသားများလည်းပါဝင်ခဲ့ကြောင်း သိနိုင်၏။ ထို့ကြောင့်ပအိုဝ်းတိုင်းရင်းသားတို့သည် ပုဂံခေတ်ကပင် အခြားတိုင်းရင်းသားများနှင့်ရောနှောနေထိုင်ခဲ့သည်ဟုသိနိုင်ပေသည်။ ပုဂံကျောက်စာများတွင်လည်း “ တောင်သူ ” ဟုရေးထိုးထားသည်ကိုကြည့်ခြင်းဖြင့် ပအိုဝ်း (တောင်သူ) လူမျိုးတို့သည် ပုဂံခေတ်ကပင်သီး ခြားရှိခဲ့သည်ဟုဆိုနိုင်ပေသည်။

            အထက်ပါ အထောက်အထားများကိုကြည့်လျှင် ပအိုဝ်းတိုင်းရင်းသားတို့သည် လွန်ခဲ့သာ ရှေးနှစ်ပေါင်းများစွာကပင် သီးခြား တိုင်းရင်းသားအဖြစ်ရှိခဲ့သည်ဟုဆိုနိုင်ပေသည်။ ထို့ကြောင့်တောင်သူခေါ် ပအိုဝ်းတိုင်းရင်းသားတို့သည် ကရင်လူမျိုးနှင့် တစ်မျိုးတည်း မဟုတ်ပဲ သီးခြားတိုင်းရင်းသားလူမျိုးတစ်မျိုးပင်ဖြစ်လေမည်ဟု ယူဆဖွယ်ရာဖြစ်ပေသည်။

pinlonthar.blogspot.com 

ဆင်းသက်လာပုံ

            ပြည်ထောင်စုမြန်မာနိုင်ငံသည် တိုင်းရင်းသားလူမျိုးပေါင်းစုံဖြင့်ဖွဲ့စည်းတည်ထောင်ထားသောနိုင်ငံတစ်နိုင်ငံဖြစ်၏။ ပြည်ထောင်စု မြန်မာနိုင်ငံအတွင်းနေထိုင်ကြသောတိုင်းရင်းသားများ၏မူလဒေသရင်းကားတရုတ်အနောက်ပိုင်းမွန်ဂိုကုန်းမြင့်ဒေသဖြစ်လေသည်။ မွန်ဂိုကုန်း မြင့်ဒေသတွင်အနေကြာလာသောအခါ လူဦးရေတဖြည်းဖြည်းတိုးလာပြီး ရေကြည်ရာမြက်နုရာဒေသများကိုရှာဖွေ၍ ပြောင်းရွှေ့ကြပြန်၏။ ထိုသို့ပြောင်းရွှေ့နေထိုင်ကြရာ သံလွင်မြစ်ကြောင်း၊ မဲခေါင်မြစ်ကြောင်း၊ ဗြဟ္မပုတ္တရမြစ်ကြောင်းများမှတစ်ဆင့် မြန်မာနိုင်ငံအတွင်းသို့ရောက် ရှိလာခဲ့ပါသည်။

            မြန်မာပြည်တွင်းသို့ အုပ်စုသုံးစုကွဲ၍၀င်ရောက်လာကြ၏။ ယင်းအုပ်စုသုံးစုမှာ -

            (၁)        မွန်ခမာအုပ်စု၊

            (၂)        တိဗက်မြန်မာအုပ်စု၊

            (၃)        ထိုင်းတရုတ်အုပ်စု တို့ဖြစ်သည်။

            ယင်းအုပ်စုကြီးသုံးစုအနက် တိဗက်မြန်မာအုပ်စုတွင် ကချင်အုပ်စု၊ မြန်မာနှင့်ရှေးမြန်မာအနွယ်အုပ်စု၊ လိုလိုမုဆိုးအုပ်စုဟူ၍ အုပ်စု သုံးစုခွဲကာဝင်ရောက်လာကြသည်။ သို့ရာတွင် တစ်စုနှင့်တစ်စုဝင်ရောက်လာကြသည့် အချိန်ကားမတူကြပေ။

            မြန်မာမင်းအုပ်ချုပ်ပုံစာတမ်း၊ စာမျက်နှာ ၃၀ ၌ မြန်မာ ၇ မျိုးထဲတွင် မြန်မာ၊ ယော (ပရဲ)၊ ရခိုင်၊ ထားဝယ်၊ ပျူ၊ ကမ်းယံ၊ တောင်သူ ဟုရေတွက်ထားသည်ကိုထောက်လျှင် တောင်သူအမည်ခံခဲ့သော ပအိုဝ်းသည်တိဗက်မြန်မာအုပ်စုတွင်ပါဝင်လိမ့်မည်ဟု ယူဆရပေသည်။ တိဗက်မြန်မာအုပ်စုတွင် မြန်မာ၊ သက်လိုလို၊ ကချင်၊ ချင်း၊ နာဂနှင့် ကရင်ဟုသတ်မှတ်ထား၏။ ပအိုဝ်းကို ကရင်အုပ်စုတွင်ထည့်သွင်းထား သောကြောင့် တိဗက်မြန်မာအစုပင်ဖြစ်သည်ဟု ယူဆဖွယ်ရာရှိသည်။

            ဦးဖေမောင်တင် ပြုစုရေးသားပြုစုသည့် ဘာသာလောကကျမ်းတွင် “တောင်သူ” ကား၊ လယ်ပြင်အစပ်တောင်တန်းတွင် တောင်ယာ လုပ်သူဟူ၍ ဖော်ပြထားသည်ကိုတွေ့ရပေသည်။ စာရေးဆရာမောင်သော်ကလည်း ပြည်သူ့ကြယ်ဂျာနယ် စာ ၂၆ တွင် မြန်မာနိုင်ငံမှ တိုင်းရင်းသားများဆောင်းပါးတွင် “တိဗက်မြန်မာအစုတွင်ပါဝင်သူများမှာ ဂဒူး၊ ထမန်၊ သက်၊ နာဂ၊ ချင်း၊ ကချင်၊ ဂျင်းဖော၊ မြန်မာ၊ လရှီ၊ မိုင်း သာ၊ မွန်၊ ဓရု၊ အဇီ၊ အင်းသား၊ တောင်ရိုး၊ ဓနု၊ ယောချောင်းသား၊ ရခိုင်၊ ဗမာ (မြိတ်)၊ ဗမာ (ထားဝယ်)၊ ပဒေါင်၊ ပအိုဝ်း၊ ကယား၊ ဗရဲ၊ ကရင်၊ လီသူး၊ ယောယင်၊ လားဟူ၊ ကော် စသည့်လူမျိုးစုများပါဝင်ကြောင်း ဖော်ပြထား၏။

            ဗန်းမော်တင်အောင်၏ “ကိုလိုနီခေတ်မြန်မာနိုင်ငံသမိုင်း” စာမျက်နှာ၂၀တွင်-      

“ ထိုင်းတရုတ်အနွယ်ဝင်များအနက် မြန်မာနိုင်ငံအတွင်းသို့ ရှေးအကျဆုံးဝင်ရောက်နေထိုင်သူများကား ကရင်လူမျိုးများနှင့် အနွယ်တူ ဖြစ်သော ပအိုဝ်းတောင်သူလူမျိုးများပင် ဖြစ်ကြဖွယ်ရာရှိသည်ဟု ယုံကြည်စရာရှိလေသည်။ ယင်းပအိုဝ်းတောင်သူလူမျိုးများသည် ရှမ်းပြည် တောင်ပိုင်းဒေသတစ်ဝိုက်နှင့် သထုံခရိုင်တွင်အခြေချနေထိုင်ခြင်းပြုကြလေသည်။ ပအိုဝ်းတောင်သူများနောက်မှ ကရင်လူမျိုးများနှင့်အနွယ် တူလူမျိုးစုများသည် မြန်မာနိုင်ငံအတွင်းသို့ ၀င်ရောက်လာကြပြီးလျှင် ကရင်နီတောင်တန်းဒေသတစ်ဝိုက်၊ သန်လျင်ခရိုင်၊ ပဲခူးရိုးမနှင့် ဧရာဝတီမြစ်ဝကျွန်းပေါ်ဒေသများ တစ်ဝိုက်တွင်အစုစုကွဲကာအခြေချနေထိုင်ကြလေသည် ” ဟုဖော်ပြထား၏။

            အချို့သမိုင်းပညာရှင်များကလည်း ကိုလိုနီခေတ်မြန်မာနိုင်ငံသမိုင်း၏အယူအဆနည်းတူ တောင်သူခေါ်ပအိုဝ်းတိုင်းရင်းသားတို့ သည် ထိုင်းတရုတ်အုပ်စုမှဆင်းသက်လာသည်ဟုယူဆကြသည်။ ယိုးဒယားနွယ်သော တရုတ်အုပ်စု (ထိုင်းတရုတ်) (၀ါ) (တရုတ်ထိုင်း) တွင် ကရင်အုပ်စု၊ ရှမ်းအုပ်စုနှင့် အခြားအစုငယ်ကလေးများပါဝင်သည်။ ကရင်အစုတွင် ပါဝင်သောတိုင်းရင်းသားများမှာ စကော၊ ပကူး၊ ဘွဲ့၊ တောင်သူ၊ ကရင်ဖြူ၊ ပိုး၊ ကယား (ကရင်နီ)၊ ပဒေါင်၊ ယင်းတော်၊ ဇယိန်၊ ယင်းတလဲနှင့် ကဲခိုတို့ဖြစ်ကြသည်။ ထို့ကြောင့်တောင်သူခေါ် ပအိုဝ်းတိုင်းရင်းသားတို့သည် ထိုင်းတရုတ်အုပ်စုတွင်ပါဝင်နေပေသည်။

            ဆာဂျေဂျော့စကော့ (Sir J. George Scott) မှတ်တမ်းအရလည်း ပအိုဝ်းတိုင်းရင်းသားတို့သည် မြန်မာနိုင်ငံနယ်နမိတ်အတွင်း ဘက်မှသာလျှင်မကဘဲ ယိုးဒယား၊ ကမ္ဘောဒီးယား မဲခေါင်မြစ်ဝှမ်းတောင်ပိုင်းဒေသတွင်လည်းပြန့်ကျဲနေထိုင်လျက်ရှိကြောင်းဖော်ပြထား သည်။

            (Major Enrequeeze) မေဂျာအင်ကွိဇ်ပြုစုသည့် “မြန်မာနိုင်ငံ လူမျိုးများအကြောင်း” စာအုပ်တွင်လည်း ကရင်သည် ထိုင်းတရုတ် အနွယ်မှ ဆင်းသက်သည်ဟု ရေးသားထားလေသည်။ “ ကရင်ဘ၀ဓလေ့ ” စာအုပ်တွင် ပအိုဝ်းသည်ကရင်အနွယ်စုဖြစ်ပြီး ကရင်သည် ထိုင်း တရုတ်အုပ်စုမှဆင်းသက်လာသည်ဟု ” ရေးသားဖော်ပြထားသည်ကိုတွေ့ရှိရပေသည်။ ထို့ကြောင့်အထက်ပါပညာရှင်များ၏ ယူဆချက်များ ကိုကြည့်လျှင် တောင်သူခေါ် ပအိုဝ်းတိုင်းရင်းသားတို့သည် တိဗက်မြန်မာအုပ်စုတွင်ပါဝင်သည်ဟုလည်းကောင်း၊ ထိုင်းတရုတ်အုပ်စုတွင် ပါဝင်သည်ဟုလည်းကောင်းအယူအဆကွဲပြားနေပေသည်။

            မည်သို့ပင်ဆိုစေကာမူ မြန်မာပြည်ဖွားတိုင်းရင်းသားအားလုံးသည် တိဗက်ကုန်းမြေမြင့်မှပေါက်ဖွားဆင်းသက်လာသော မွန်ဂို အနွယ်ဝင်များဖြစ်၏။ မူလလူမျိုးမှာတစ်မျိုးတည်းသာလျှင်ဖြစ်ပေသည်။

အစီစဉ်မကျတာတော့ သည်းခံ ခွင့်လွတ်ကြပါခင်ဗျား

pnln000@gmail.compinlonthar.blogspot.com