မူဆလင် (အစ္စလာမ်ဘာသာဝင်) နှင့်ထိမ်းမြားခြင်း (စာအုပ်စာမျက်နှာ ၄၀)

အစ္စလာမ်ဘာသာအမျိုးသားနှင့် ဗုဒ္ဓဘာသာအမျိုးသမီး (သို့) ဗုဒ္ဓဘာသာအမျိုးသားနှင့်အစ္စလာမ်ဘာသာ အမျိုးသမီးတို့သည် တရားဝင် လက်ထပ်ထိမ်းမြားခြင်းမပြုနိုင်ချေ။

        အကြောင်းမှာ မူဆလင်တစ်ယောက်အနေဖြင့် အစ္စလာမ်ဘာသာကို ယုံကြည်ကိုးကွယ် သည့်“ကီတာဘီ”မဟုတ်သူ နှင့် တရားဝင်ထိမ်းမြားခြင်းမပြုနိုင်ပေ။ သို့ရာတွင် အစ္စလာမ်ဘာသာကို ကူပြောင်ကိုးကွယ်ပြီး အစ္စလာမ်ဓလေ့ထုံးတမ်းနှင့်အညီ ထ်ိမ်းမြားလက်ထပ်လျှင်မူ တရားဝင်ထိမ်းမြား လက်ထပ်နိုင်သည်။

          ထိုအချိန်အခါက အစ္စလာမ်ဘာသာအမျိုးသားနှင့် အိမ်ထောင်ပြုကြသော မြန်မာဗုဒ္ဓဘာသာ အမျိုးသမီးတို့သည် မိမိတို့ အိမ်ထောင်ရေးကို တရားဝင်ဖြစ်စေလိုသည့်အတွက် မိမိတို့ကိုးကွယ်ရာဘာသာကို စွန့်လွတ်ပြီး အစ္စလာမ်ဘာသာသို့ ကူပြောင်းကာ မူဆလင်ဓလေ့ထုံးတမ်း နှင့်အညီ ထိမ်းမြားလက်ထပ်ကြသည်။

          အိမ်ထောင်ရေးအဆင်မပြေသဖြင့် အမျိုးသမီးက ကွာရှင်းပြတ်စဲလို၍ လျှောက်ထားလျှင် အစ္စလာမ်တရားဥပဒေအရ အဆုံးအဖြတ်ခံယူရသည်။ မူလက အစ္စလာမ်ဘာသာသို့ကူပြောင်း လက်ထပ်ခဲ့သူဖြစ်၍ ယင်းဘာသာသို့ကူးပြောင်းကိုးကွယ်ခြင်းမရှိပါဟု ခုခံချေပခွင့်မှာလည်း ပိတ်ပင်ခဲ့ပြီးဖြစ်နေသည်။ တစ်ဖက်တွင် ယောက်ျားကကွာလိုမှု၊ သူမအနေဖြင့် “တလာက်” သုံးကြိမ်အခေါ်ခံ၍ အလွယ်တကူကွာရှင်းခဲ့ရပြီးလျှင် လင်ယောက်ျားပစ္စည်းပေါ်တွင် မည်သည့်ပိုင်ဆိုင်ခွင့်မျှမရှိဘဲ အပစ်ပယ်ခံရသည်။

          “လင်နှင့်မယား အိမ်ထောင်ရေးအဆင်မပြေ၍ ရုံးပြင်ကနားရောက်သည့်အခါမှ မယားဖြစ်သူသည် မြန်မာ့ဓလေ့ထုံးတမ်းနှင့်အညီ ထိမ်မြားခဲ့သော်လည်း လင်ယောက်ျားကိုးကွယ်ရာဘာသာ၏ ဓလေ့ထုံးတမ်းနှင့်အညီ မဆောင်ရွက်ခဲ့သဖြင့် ထိမ်းမြားမှုတရားမ၀င်၍ စားစရိတ်မှအပ မည်သည့်အကျိုးခံစားခွင့်မျှမရှိကြောင်း၊ မိမိတို့မွေးဖွားသည့်သားသမီးများသည်လည်း တရားမ၀င်ကြောင်း၊ မိမိမှ နိုင်ငံခြားသား၏ အပျော်မယားဘ၀သို့ ရောက်ခြင်းမလှ ရောက်ခဲ့ရကြောင်း၊ ခါးသီးသော ဘ၀သင်ခန်းစာတစ်ရပ် ခံစားလိုက်ရသည်။

          “အမျိုးသမီးအချို့ကလည်း ထိမ်းမြားမှုတရားဝင်စေရန်အလို့ငှာ ကြားဖူးနားဝရှိသော ပုဂ္ဂိုလ်များ၏ အကြံပေးချက်အရ မိမ်ိတို့အမွန်မြတ်ဆုံးထားသည့် ကိုးကွယ်ရာဘာသာသို့ စွန့်လွတ်ပြီး ခင်ပွန်းကိုးကွယ်ရာ အစ္စလာမ် ဘာသာ၊ ခရစ်ယာန်၊ ဟိန္ဒူဘာသာသို့ ကူပြောင်းကိုးကွယ်ကာ ၎င်းတို့၏ ဓလေ့ထုံးတမ်းနှင့်အညီ ထိမ်မြားလက်ထပ်ကြသည်။ ဤတွင်မှ နိုင်ငံခြားဥပဒေများအကြောင်း နဖူးတွေ့ဒူးတွေ့ဆိုသလိုသိကြ ခံစားရပြန်သည်။ အိမ်ထောင်ခန်း အမွေခန်းများတွင် လင်ယောက်ျားနှင့် သက်ဆိုင်သည့် ဥပဒေအရ စီရင်မှုခံယူကြရသဖြင့် မိမိတို့လက်လွှတ်ဆုံးရှုံးခဲ့ရသည့် မြန်မာဓလေ့ထုံးတမ်းဥပဒေ၏ အဖိုးတန်လှသော အကျိုးခံစား ခွင့်တို့ကို ၀မ်းနည်းကြေကွဲစရာသိရှိကြရသည်။

          ၎င်းအပြင် ထိုစာအုပ်၏စာမျက်နှာ (၄၇)တွင်လည်း “နိုင်ငံခြားသားများနှင့် ထိမ်းမြားခြင်းအခန်းကို သုံးသပ်လျှင် တိုင်းရင်းသား ဗုဒ္ဓဘာသာဝင် အမျိုးသမီးများ မျက်နှာပျက်ကြရသည့် အကြောင်းရင်းများမှာ ဘာသာရေး ၊ လူမျိုးရေး ၊ လူမှုရေးကိစ္စတို့တွင် ရောထွေးကျင့်သုံးခဲ့ကြရသည့် ဥပဒေအရှုပ်အထွေးပြဿနာကြောင့်လည်ကောင်း ၊ မြန်မာနိုင်ငံတရားရုံးများက နိုင်ငံအတွင်းနေ တိုင်းရင်းသားတို့ လက်ခံကျင့်သုံးသော ဓလေ့ထုံးတမ်းဥပဒေကို လေးစားရမည့်အခါ နိုင်ငံခြားသားယောက်ျား လက်ခံသည်ဆိုသောဥပဒေကို ဦးစားပေးမှုများကြောင့်လည်ကောင်း ၊ ဥပဒေနှစ်ရပ်ယှဉ်ပြိုင်ရာမှ ပဋိပက္ခဖြစ်သည့် ဥပဒေပြဿနာပေါ်ပေါက်သည့်အခါ ပြဌာန်းဥပဒေက ဓလေ့ထုံးတမ်းဥပဒေကို လွှမ်းမိုးနိုင်သော ဥပဒေကြောင့်လည်ကောင်း ဖြစ်ရကြောင်း တွေ့ရသည်။

http://pinlonthar.blogspot.com